តារាសម្តែងប្រុសថៃលោក Saranyu Tua Wongkrachang បានទទួលមរណភាពក្នុងវ័យ ៥៩ឆ្នាំ។

​​

រូបតំណាង

មូលហេតុនៃការស្លាប់របស់លោកមិនទាន់ត្រូវបានគេបញ្ជាក់នៅឡើយទេ ប៉ុន្តែអ្នកគ្រប់គ្រងក្រុមហ៊ុន Online និង Mcot បានរាយការណ៍ថាគាត់បានស្លាប់ដោយសារជំងឺមហារីកថ្លើម។ ​ភរិយា​របស់លោកឈ្មោះថា​ ​Hattaya បានបង្ហោះរូបភាពនៅលើ​គណនី Instagram ​ដោយមាន​សរសេរសារថា “ទុកពេលឱ្យនាងផង” ។ អ្នកតាមដានគណនី Instagram របស់នាងបានផ្តល់ការលើកទឹកចិត្តដល់នាងបន្ទាប់ពីការបង្ហោះសារនេះ។ ​សមាជិកព្រឹទ្ធសភាលោក Kamoung Sidhismarn ក៏បានបង្ហោះសារមួយនៅលើគណនីហ្វេសប៊ុកផ្លូវការរបស់លោកផងដែរថា “ សូមលោក Tua ទៅកាន់សុគតិភព ” ។

រូបតំណាង

គួរបញ្ជាក់ផងដែរថា អតីតតារាសម្តែងរូបនេះធ្លាប់បានចូលរួមជាមួយគណបក្សសម្ព័ន្ធប្រជាជនដើម្បីលទ្ធិប្រជាធិបតេយ្យក្នុងការតវ៉ានៅឆ្នាំ២០០៨ ដែលនាំឱ្យមានការបិទរដ្ឋធានី ហើយទីបំផុត​ប្រទេសថៃបានទម្លាក់រដ្ឋាភិបាល​លោក ​ Thaksin Shinawatra។ លោក Saranyu Tua Wongkrachang  មានកូនស្រីភ្លោះមួយគូដែលមានឈ្មោះថា Supara និង Sitala ។  

កែសម្រួលដោយ៖ ភារ៉ា

ប្រភព៖ Bangkok post