សុភាពនារីជាច្រើនប្រឹងហាត់ប្រាណណាស់ដែរតែជើងនៅតែធំស្លៀកអីក៏តឹង ស្លៀកអីក៍ឃើញធំដែរ។

ពេលនេះឈប់បារម្ភទៅវិធីហាត់ប្រាណប៉ុន្មានក្បាច់ខាងក្រោមនេះបើអ្នកព្យាយាមហាត់រាល់ថ្ងៃមិនយូរទេអ្នកនឹងបានជើងតូចស្រឡូនស្អាតមកវិញជាមិនខាន។ តោះ!សាកល្បងក្បាច់ហាត់ប្រាណនេះទាំងអស់គ្នា៖

១. ក្បាច់អង្គុយពាក់កណ្តាល៖

ឈរដាក់ដៃទៅមុខត្រង់រួចហើយធ្វើចលនាអង្គុយចុះពាក់កណ្តាល។

២. ក្បាច់ដេកលើកជើង៖

ដេកចំហៀងរួចហើយធ្វើចលនាលើកជើងឡើងទៅលើ។ ធ្វើបែបនេះដោយឆ្លាស់ជើងគ្នាម្តងឆ្វេងម្តងស្តាំ។

៣. ក្បាច់លើកចង្កេះឡើង៖

ដេករាបស្មើរ ជើងបញ្ឈរឡើងរួចហើយធ្វើចលនាលើកចង្កេះនិងខ្នងចុះឡើងៗ។

៤. ក្បាច់ពត់ជង្គង់៖

អង្គុយត្រង់ខ្លួន កន្ធែកជើងដោយដាក់បាតជើងផ្គុំចូលគ្នារួចហើយសង្កត់ជង្គង់ចុះឡើងៗ។

៥. ក្បាច់ពត់ជើងទៅចំហៀង៖

បញ្ឈរជង្គង់ជើងម្ខាងរួចពត់ជើងម្ខាងដាក់ឲ្យត្រង់ធ្វើបែបនេះដោយឆ្លាស់ជើងទៅមកៗ។

៦. ក្បាច់លោតរាងផ្កាយ៖

ឈរឲ្យត្រង់ខ្លួនរួចពេលលោតដៃបោះឡើងទៅលើ ជើងកន្ធែកឡើង។

៧. ក្បាច់ជើងកន្ត្រៃ៖

ដេកផ្ងារឲ្យត្រង់ខ្លួន រួចហើយបោះជើងពីរឡើងទៅលើហើយធ្វើចលនាខ្វែងជើងចុះឡើងៗ។

៨. រត់ឡើងជណ្តើរ៖

ក្បាច់នេះមិនពិបាកនោះទេ កន្លែងណាដែលមានជណ្តើរខ្ពស់ៗគឺអ្នកអាចហាត់បានហើយ។

៩. ក្បាច់ឱបបាល់៖

ដេកត្រង់ខ្លួនលើឥដ្ឋរួចលើកជើងឡើងដោយគៀបបាល់មួយនៅជង្គង់ហើយព្យាយាមសង្កត់បាល់នោះដោយជើងនិងរក្សាលំនឹង។

១០. ក្បាច់អង្គុយកៅអី៖

ឈរឲ្យត្រង់ខ្លួនរួចហើយធ្វើចលនាអង្គុយចុះត្រឹមពាក់កណ្តាលធ្វើដូចជាអង្កុយលើកៅអីតែកុំឲ្យប៉ះកៅអី៕ ដោយ៖ Orchid