មានលុយក្រោម 100$ ទៅលេងមណ្ឌលគិរី ២យប់ ៣ថ្ងៃ ដើរលេងបានជាង ១០កន្លែង⁣ ចង់ដឹងកន្លែងណាខ្លះតោះមើលរូបនិង អានទាំងអស់គ្នាណា 😄

ជិះកង់បីទៅបេនឡាន - ខ្ញុំចេញពីភ្នំពេញទៅដោយធ្វើដំណើរតាមលឡានគេងយប់ (11pm-6am) ដើម្បីសល់ពេល ទៅដល់នោះភ្លឺបានដើរលេងតែម្តង

បន្ទាប់ពីជួលម៉ូតូបានហើយ មិនឲ្យយូរការទេ ឡើងភ្នំដោះក្រមុំមួយសិនព្រោះនៅជិត 

តែខ្ញុំបានទៅ check in នៅកន្លែងគេងរួចហើយ ហេហេ

សមុទ្រឈើក៏នៅជិតនឹងដែល ដោយគ្រាន់តែបន្តដំណើរប្រមាណ៨នាទី ឬ៣គីឡូម៉ែតប៉ុណ្ណោះ អ្នកនឹងបានឃើញនូវទេសភាពព្រៃឈើស្រស់ត្រកាលមើលដាច់កន្ទុយភ្នែកជាមួយនឹងខ្យល់ត្រជាក់នៅលើភ្នំ

ជិះមករៀងយូរដែរ ហើយនេះជាទេសភាពតាមផ្លូវទៅទឹកធ្លាក់ ចង់ដឹងទឹកធ្លាក់អ្វីនោះ តោះទៅមើលរូបតទៅមុខទៀតទាំងអស់គ្នា

នេះមកដល់បាត់ ជិះមកវង្វេងខុសផ្លូវពេញនឹងហាហា តែសំខាន់មានបងប្អូនអ្នកភូមិជួយប្រាប់ផ្លូវដែរ ទើបបានមកដល់ទីនេះ

ជិះតាមខ្សែរទឹកហូរពីលើមកដល់ទីនេះ ហើយនេះគីទំនប់វារីអគ្គីសនីអូរម្លែង។ អ្នកប្រកដជាឆ្ងល់មិចក៏មិនឃើញចឹង កុំទាន់អាលខឹង អូសទៅរូបមួយទៀតសិនណា

នេះ​ណែ៎ម៉េចដែរ ស្អាតទេ ទឹកហូរខ្លះអត់ បន្ទាប់ពីនេះ តោះយើងទៅកន្លែងឆ្ងាយៗម្តង់ ហេហេ

ស្តាប់ភ្លេងបងៗជនជាតិភាគតិចពិរោះម៉្យាងដែរ ហើយនេះក៏ជាលើកទីមួយដែរ 

អូរមែនចង់ដឹងថានៅណាអត់ មើលរូបមួយទៀតទៅដឹងហើយហេហេ 

មកខែនេះទោះអត់បានលេងទឹកក្តីតែបានឃើញនៅ⁣ទិដ្ឋភាព​ទឹកហូរយ៉ាងសំបើម ដែលធ្លាក់ចុះមក បែកចេញជាផ្សែងភាយពេញមេឃ

ចំការម្រេច - កាលពីពេលជិះទៅជ្រោះ ប្រញាប់ពេកអត់បានចូលលេង លូវមកវិញឆ្លៀតចូលលេងតិចកុំឲ្យអត់បានចូល

មកលើកនេះមិនឲ្យខាតទេទោះធ្លាប់ចូលពីមុនក៏ដោយ តែចង់ចូលលេងទៀតហេហេ តែគ្រាន់sad អត់បានផឹងកាហ្វេនៅទីនេះ 

នៅរមណីយដ្ឋានចំការកាហ្វេនេះមិនត្រឹមតែមានកាហ្វេទេ តែមាន ធុរេ ខ្នុល ល្ហុង តែ ចេក ទៀត នៅនឹងមានកន្លែងអង្គុយលេងមើលទឹក និងទេសភាពដ៏ស្រស់ស្អាតនៃចំការផងដែរ

ចប់ថ្ងៃទីមួយនាំគ្នាឡើងភ្នំដោះក្រមុំដើម្បីមើលព្រះអាទិត្យលិច - ដើរលេងបានច្រើនកន្លែងដែរនឹងណាថ្ងៃនឹង តែថ្ងៃស្អែកមានកន្លែងមួយដែលឆ្ងាយ ចឹងបែបត្រូវសំរាកពីព្រលប់ហើយដើម្បីយកកំលាំងហើយ 

ថ្ងៃទី២ ផ្លូវទៅភ្នំណាមលៀរ - ងើបពីគេងភ្លាមជិះ៣០គីឡូបាត់ទៅហើយថ្ងៃនេះ រូបនេះជាចំការកៅស៊ូមួយដែលធំ គឺធំរហូតដល់ជិះចង់កន្លះម៉ោងទើបផុត ហើយផ្លូវពិបាកដល់ក៏ហើយ

មកដល់ភ្នំណាមលៀរ - ភ្នំនេះប្រៀបបានដូចជាដំថ្មមួយដំដុះចេសមកកណ្តាលព្រៃចឹង ហើយមើលពីលើប្រៀបដូចជាទីឋានគយ​គន់​ទេសភាពមួយ​ដ៏​រំជើបរំជួល ។ ភ្នំណាមលៀរ ស្ថិត​នៅ​ភាគខាង​ជើង​ក្រុង​សែនមនោរម្យ​​នៃទីប្រជុំជន​ខេត្ត​មណ្ឌលគិរី​ជាប់​នឹងព្រំ​ប្រទល់​ប្រទេស​វៀតណាម ។ តួភ្នំ​ទាំង​មូល​ហាក់បី​ដូចជា​បង្កើតឡើងដោយ​ថ្មមួយ​ដុំ​ដែល​គ្មានសភាព​រដិប​រដុប​អ្វីឡើយ។

ឡើងមកជួបបងៗដែលមកលេងនៅលើភ្នំនេះដែរ ពួកគាត់រស់រាយខ្លាំងណាស់ គ្រាន់តែដើរកាត់ហៅដាក់មួយយកម៉ង់ហាហា

មកដល់ក្រុងវិញចូលសំរាកបានប្រហែលមួយម៉ោងក៏មកលេងនៅអូររមីសនេះ។ មកដល់ទីនេះមនុស្សច្រើនព្រោះគេមកលេងទីនេះមុនគេបន្ទាប់ពីចេញមកពីភ្នំពេញ ហើយទើបបន្តដំណើរទៅក្រុងទៀត

សម្រស់សមុទ្រឈើនាពេលថ្ងៃរាបលិច - មកពីអូរមីសវិញខ្ញុំក៏ជិះចូលទៅក្នុងក្រុងព្រោះជិតដល់ពេលល្ងាចដែរ ហើយជំរើសដ៏ល្អគឺគួរទៅមើលថ្ងៃលិចនៅលើភ្នំ

ក្រុងសែនមនោរម្យនាពេលរាត្រី - ថ្ងៃលិចបាតហើយ តាមផ្លូវពិបាកហើយងងឹងទៀត។ តាមផ្លូវយើងបានជិកាត់ អាស្រមលោកយាយផ្លំ (ដោះក្រមុំ១) ខ្ញុំក៏បានចូលអង្គុយលេងហើយក៏ថតរូបមួយសន្លឹកនេះ

ពេលយប់មកកន្លែងគេងវិញរៀបចំរបស់ខ្លះរួចរាល់ហើយក៏ចាប់ផ្តើមសំរាក ប៉ុន្តែខ្ញុំគេងមិនលក់ ទើបចេញមកក្រៅអង្គុយមើលផ្កាយលេង

ថ្ងៃទី៣ យើងបានទៅលេងទឹកធ្លាក់ដាក់ដាំ ឬក៏គេច្រើនហៅថា ទឹកធ្លាក់​អូររនៀល មានចម្ងាយប្រហែល ~20km ពីរង្វង់មូលគោព្រៃ។ ទឹកធ្លាក់ដាក់ដាំជារមណីយដ្ឋានធម្មជាតិដែលមានទេសភាព និងបរិយាកាសស្រស់សាយណាស់ ហើយទីនោះមានកញ្ចុះដាច់ៗពីគ្នាសំរាប់អង្គុយលេង ឬបរិភោគអាហារ ជួបជុំគ្នាទៀតផង

ឡើងភ្នំសាងស្នេហ៍ - ត្រលប់មកពីដាក់ដាំវិញឃើញទីនេះស្អាតខ្ញុំក៏ឡើងទៅមើល 

នេះជាផ្លូវឡើងមានរាងដូចពស់ហើយអាចជិះបានត្រឹមឡានមួយប៉ុណ្ណោះព្រោះផ្លូវចោទនិងកោងខ្លាំង

នេះ​ជា​រូបភាពនៅលើភ្នំ សាងស្នេហ៍ - ដែលមើលទៅក្រោមឃើញនូវទេសភាពវាលស្មៅដ៏ស្រស់ស្អាត