គ្រប់គ្នាប្រហែលជាមិនដឹងទេថា មនុស្សចាស់ត្រូវការអាហារដែលផ្ទុកថាមពល និងសារធាតុខុសពីមនុស្សវ័យក្មេង។ 

ខាងក្រោមនេះ គឺជាការណែនាំរបបអាហារសម្រាប់មនុស្សចាស់៖

១. អាហារប្រូតេអ៊ីន

មនុស្សចាស់ត្រូវការបរិភោគអាហារដែលមានប្រូតេអ៊ីន មិនខុសពីមនុស្សពេញវ័យដែរ។ ប៉ុន្តែប្រូតេអ៊ីនដែលផ្តល់ឱ្យពួកគាត់ ត្រូវតែជាប្រភេទប្រូតេអ៊ីនដែលមានគុណភាពល្អ និងឆាប់រលាយ ដូចជា៖

- សាច់ត្រី ឬប្រភេទសាច់សុទ្ធ (សាច់មិនជាប់ខ្លាញ់)

ដើម្បីងាយស្រួលសម្រាប់ពួកគាត់បរិភោគ អ្នកគួរតែហាន់សាច់ឱ្យល្អិត ចិញ្ច្រាំ ឬស្ងោរឱ្យផុយ។ 

- សណ្តែក ស៊ុត និងទឹកដោះគោជាដើម 

អ្នកអាចផ្តល់ទឹកដោះគោដែលមិនសូវមានជាតិខ្លាញ់ ឬប្រភេទទឹកសណ្តែក យ៉ាងហោចណាស់ ១-២កែវជារៀងរាល់ថ្ងៃ។

២. អាហារបន្លែផ្លែឈើដែលមានជាតិសរសៃសែលុយឡូស (Cellulose fiber diet)

សារជាតិអាហារប្រភេទនេះ ជួយឱ្យជំរុញដល់ដំណើរការពោះវៀនបានល្អ និងមិនមានបញ្ហាទល់លាមកចំពោះពួកគាត់ផងដែរ។

៣. អាហារដែលមានសារជាតិរ៉ែ

អ្នកត្រូវផ្តល់ឱ្យគាត់នូវសារធាតុដែក និងកាល់ស្យូមឱ្យបានច្រើន។ ព្រោះថា អាហារទាំងនេះអាចការពារជំងឺខ្វះឈាមក្រហម និងជំងឺពុកឆ្អឹង។ ជាតិដែកមិនពិបានស្វែងរកនោះទេ វាច្រើនមាននៅក្នុងសាច់សត្វ និងគ្រឿងក្នុងរបស់សត្វ។ ចំណែកឯកាល់ស្យូមវិញ អ្នកអាចរកបាននៅក្នុងទឹកដោះគោ ត្រី និងបន្ថែពណ៌បៃតង។

៤. បន្ថយអាហារដែលផ្តល់ថាមពលច្រើន

មនុស្សចាស់មិនត្រូវការអាហារថាមពលច្រើនដូចជាមនុស្សពេញវ័យនោះទេ។ អ្នកគួរតែប្រយ័ត្នចំពោះការផ្តល់ជូនអាហារប្រភេទម្សៅច្រើនទៅពួកគាត់ (បាយ គុយទាវ ឬនំប័ុង-ល-)។

ចំណុចត្រូវចងចាំ៖  មនុស្សចាស់មិនគួរទទួលទានអាហារដែលមានរសជាតិប្រៃ ឬហិរពេកនោះទេ។ ជាពិសេស គឺភេសជ្ជៈដែលមានជាតិអាកុល៕