កំឡុងពេលដែលរដូវកាលសម្បូរកម្មវិធីឈានចូលមកដល់ សម្លៀកបំពាក់ជាកង្វល់មួយដែលនារីៗគ្រប់រូបពិបាកក្នុងការពិចារណា។ ជាធម្មតា រ៉ូបនីមួយៗមានតម្លៃថ្លៃ ហើយយើងមិនអាចស្លៀករ៉ូបដដែលៗចូលរួមកម្មវិធីរហូតនោះទេ។ យើងត្រូវការផ្លាស់ប្ដូរម៉ូតផ្សេងៗគ្នា រីឯម៉ូតខ្លះវិញមានតម្លៃថ្លៃហើយពិបាកស្លៀក និងឆាប់ហួសសម័យទៀត។ តើម៉ូតរ៉ូបបែបណាទើបមានតម្លៃសមរម្យ ងាយស្រួលក្នុងការស្លៀកពាក់ក៏ដូចជាមិនចេះហួសសម័យនោះ។ប្រាកដណាស់សម្រាប់ម៉ូតរ៉ូបដែលធ្វើឱ្យយើងងាយស្រួលក្នុងការស្លៀកពាក់ដោយមិនមានអារម្មណ៍ស្អុះស្អាប់ ថប់ដង្ហើមក៏ដូចជាស្គៀបខ្លួនប្រាណនោះគឺជាប្រភេទរ៉ូបសាច់ក្រណាត់ទន់ៗមិនរឹបពេកដែលអាចធ្វើឱ្យអ្នកស្លៀកមានអារម្មណ៍ធូរស្រាល។ថ្ងៃនេះខ្ញុំសូមណែនាំនូវម៉ូតរ៉ូបដែលងាយស្រួលសម្រាប់បងប្អូនសុភាពនារីក៏ដូចជាមានតម្លៃសមរម្យផងដែរ។ វាជាលក្ខណៈម៉ូតបែបសុភាពសាមញ្ញ ប៉ុន្តែមានឆែកបន្តិចធ្វើឲ្យម៉ូតរ៉ូបទាំងមូលមានសភាពស្រស់ស្អាតស៊ីវិល័យទាន់សម័យគ្រប់រដូវកាល។

១.ម៉ូតរ៉ូបករាងអក្សរវីពណ៌ទឹកសមុទ្រដៃវែងបែបរំភើយនិងមានឆែកបន្តិច

២.ម៉ូតរ៉ូបករាងអក្សរវីជ្រៅ ពណ៌ទឹកប៊ិចដៃវែងបែបរំភើយនិងមានឆែកបន្តិច

៣.ម៉ូតរ៉ូបករាងបាតខ្ទះពណ៌ផ្កាឈូកវែងបែបរំភើយនិងមានឆែកបន្តិច

៤.ម៉ូតរ៉ូបករាងអក្សរវីជ្រៅពណ៌ទឹកក្រូច ដៃវែងបែបរំភើយនិងមានឆែកបន្តិច

៥.ម៉ូតរ៉ូបពណ៌ឈាមជ្រូក ដៃស្ទើរនិងមានឆែកបន្តិច

៦.ម៉ូតរ៉ូបពណ៌ខ្មៅ ដៃស្ទើរនិងមានឆែកបន្តិច

៧.ម៉ូតរ៉ូបពណ៌ប្រផេះ បែបរឹបរាងសំយេះស្មាដៃវែងនិងមានឆែកបន្តិច

៨.ម៉ូតរ៉ូបពណ៌ត្របែកព្រៃ បែបរឹបរាងសំយេះស្មាដៃវែងនិងមានឆែកបន្តិច

៩.ម៉ូតរ៉ូបពណ៌ស បែបរឹបរាង ករាងបាតខ្ទះ ដៃវែងនិងមានឆែកបន្តិច

១០.ម៉ូតរ៉ូបពណ៌ខ្មៅករាងអក្សរវីជ្រៅបន្តិច ដៃវែងនិងមានឆែកបន្តិច

ប្រភពរូបភាព៖Pinterest

ស្រាវជ្រាវនិងអត្ថបទ៖ កុល្លិកា