យន្តហោះដឹកអ្នកដំណើរមួយគ្រឿងហោះចេញទៅទីក្រុងឡុងដ៍ជាមួយមនុស្ស ២៤២នាក់ បានធ្លាក់ក្នុងប្រទេសឥណ្ឌា នាថ្ងៃទី១២ ខែមិថុនា ឆ្នាំ២០២៥ វេលាម៉ោង៤រសៀលនេះ។

ហេតុការណ៍នេះបានកើតឡើងនៅជិតអាកាសយានដ្ឋាន Ahmedabad ក្នុងរដ្ឋ Gujarat ភាគខាងលិច។ ផ្សែងហុយខ្លាំងត្រូវបានគេមើលឃើញថាបានហក់ឡើងលើមេឃពីទីក្រុង Dharpur ក្បែរតំបន់ Meghaninagar នេះបើយោងតាមរបាយការណ៍របស់ប្រព័ន្ធផ្សព្វផ្សាយក្នុងស្រុក។

ក្រុមពន្លត់អគ្គីភ័យ និងសង្គ្រោះបន្ទាន់ត្រូវបានប្រញាប់ប្រញាល់ទៅដល់កន្លែង។ អាជ្ញាធរមិនទាន់បញ្ជាក់ពីមូលហេតុនៃការធ្លាក់យន្តហោះនេះនៅឡើយទេ។

យោងតាមគេហទំព័រតាមដានអាកាសចរណ៍ Flightradar24 គឺជាជើងហោះហើរ Air India AI171 ដែលហោះចេញពីទីក្រុង Ahmedabad ។ ពួកគេបានបង្ហោះនៅលើ X ថា "យើងបានទទួលសញ្ញាចុងក្រោយពីយន្តហោះនៅម៉ោង 08:08:51 UTC ត្រឹមតែមួយវិនាទីបន្ទាប់ពីការហោះហើរ"។ យន្តហោះដែលពាក់ព័ន្ធគឺជាយន្តហោះ Boeing 787-8 Dreamliner ដែលមានចុះបញ្ជី VT-ANB"៕