គ្រូបង្វឹកក្រុមជម្រើសជាតិព័រទុយហ្គាល់ លោក Fernando Santos បានលើកឡើង ក្រោយជំនួបប៉ះអាល្លឺម៉ង់ចាញ់ ៤ទល់នឹង២ ថា អាល្លឺម៉ង់ពិតជាសាកសមនឹងទទួលជ័យជម្នះនេះ។

Fernado Santos និយាយថា៖ “យើងចាប់ផ្តើមការប្រកួតបានល្អ ជាមួយនឹងការរៀបចំមុនប្រកួតបានត្រឹមត្រូវ។ យើងព្យាយាមប្រយុទ្ធលឿន ដោយប្រើក្បួន Counter-attack។ តែអាល្លឺម៉ង់គេល្អជាងយើង គេគ្រប់គ្រងការប្រកួតបានច្រើនជាងយើង។”

គ្រូបង្វឹកវ័យ៦៦ឆ្នាំរូបនេះក៏បានបន្តថា៖“ខ្ញុំព្យាយាមផ្លាស់ប្តូរកីឡាករនៅពេលចប់តង់ទី១ តែយើងបានរបូត២គ្រាប់ភ្លាមៗបន្ថែមបាត់ទៅហើយ។ វាធ្វើអោយក្រុមយើងស្លុតចិត្ត។ ជាការពិត វាជាជ័យជម្នះដ៏សាកសមសម្រាប់អាល្លឺម៉ង់។”

ប្រភព៖ Euro