ប្រេត មាន១២ពួក

#សិល្បៈ និងវប្បធម៌# #ចំណេះដឹង# #ប្រេត#

6098

ប្រេត ជាសត្វមួយប្រភេទ ដែលមានស្ថានឬភព ជាទីអាស្រ័យ និងជាទីចាប់កំណើត ដូចសត្វដទៃទៀតដែរ។ ស្ថានប្រេត ជាស្ថានមួយ ដែលស្ថិតក្នុងស្ថានអបាយភូមិ រួមមានស្ថាននរក, ស្ថានប្រេត, ស្ថានអសុរកាយ, និងស្ថានតិរច្ឆាន។

ក្នុងស្ថានប្រេតនេះ មានសត្វប្រេត មានចំនួន១២ពួក គឺ វន្តាសប្រេត, កុណបាសប្រេត, គូថខាទកប្រេត, អគ្គិជាលមុខប្រេទ, សូចិមុខប្រេត, តណ្ហដ្តិប្រេត, សុនិជ្ឈាមកប្រេត, សត្ថង្គប្រេត, បព្វតង្គប្រេត, អជគរង្គប្រេត, វិមានកប្រេត, និងមហិទ្ធិកប្រេត។ ប្រេតទាំង១២ពួកនេះ មានរូបខុសៗគ្នា និងទទួលរងទុក្ខផ្សេងៗគ្នា ទៅតាមអំពើបាបដែលខ្លួនបានប្រព្រឹត្ត។

ដោយសារតែយល់ថាមានប្រេត ទើបប្រជាពលរដ្ឋខែ្មរ តែងតែនាំគ្នាទៅបោះបាយបិណ្ឌនៅតាមវត្តអារាម ដែលស្ថិតក្នុងស្រុកភូមិរបស់ខ្លួន នាពេលព្រលឹម ម៉ោងប្រមាណ៤ ឬ៥ ទៀបភ្លឺ ជារៀងរាល់ថ្ងៃ ក្នុងរដូវបុណ្យភ្ជុំបិណ្ឌ។ ប្រជាពុទ្ធបរិស័ទ មានជំនឿថា ការបោះបាយបិណ្ឌ គឺដើម្បីបញ្ជូនអាហារទាំងនេះ ទៅឲ្យពពួកញាតិរបស់ខ្លួន ដែលបានបាត់បង់ជីវិតយូរក្តី ឬពេលថ្មីៗក្តី ដោយសេចក្តីភ័យខ្លាចថា សាច់ញាត់ទាំងនោះ អាចភ្លាត់សតិទៅកើតជាសត្វប្រេត ដោយអំពើបាបណាមួយ។

យ៉ាងណាក៏ដោយ ការបង្កើតពិធីបោះបាយបិណ្ឌ មិនមែនគ្រាន់តែដើម្បីតែឧទ្ទិសដំបាយទាំងនោះ ទៅឲ្យប្រេតតែម្យ៉ាងឡើយ។ មានគំនិតអប់រំសំខាន់ៗមួយចំនួនរបស់បុព្វបុរសខ្មែរ ដែលបង្កប់ក្នុងពិធីបោះបាយបិណ្ឌ។

ទី១. នៅពេលយុវជន ទៅវត្តបោះបាយបិណ្ឌ ដោយយល់ថា បោះឲ្យញាតិសន្តាន ដែលស្លាប់ទៅ គឺជាឱកាសដ៏ល្អ សម្រាប់ព្រះសង្ឃបង្ហាត់បង្រៀនពួកគេ ឲ្យមានស្មារតី ក្នុងការធ្វើបុណ្យរក្សាសីល។ យុវជនភាគច្រើន មិនសូវចូលចិត្តទៅវត្តឡើយ ដោយយល់ថា ការទៅវត្តអារាមគឺជាតួនាទីរបស់មនុស្សចាស់ ហេតុដូច្នេះហើយបានពួកគេ មិនសូវយល់ពីរបៀបរបប បែបផែន និងទំនៀមទម្លាប់ក្នុងវត្ត។

អ្នកខ្លះ សូម្បីតែនិយាយជាមួយព្រះសង្ឃ ក៏មិនចេះផង។ កុំថាឡើយនិយាយ អ្នកខ្លះទៀត សូម្បីតែមើលមុខព្រះសង្ឃ ក៏មិនហ៊ានទៅទៀត។ ដូច្នេះ ពេលយុវជនទាំងនោះ ទៅបោះបាយបិណ្ឌ គឺជាមធ្យោបាយមួយ ដើម្បីដាស់ស្មារតីរបស់ពួកគេ ឲ្យស៊ាំក្នុងការទៅវត្តធ្វើបុណ្យ រក្សាសីល មិនមែនរង់ចាំតែដល់រដូវបុណ្យទាន ទើបទៅនោះឡើយ។

ទី២. ការទៅបោះបាយបបិណ្ឌ ធ្វើឲ្យប្រជាកសិករ ជាពិសេសក្រុមយុវជន មានឱកាសថ្វាយបង្គំព្រះ ស្តាប់ព្រះសង្ឃសូត្រធម៌ និងសុំសីល។ ទង្វើទាំងនេះ ក៏ជាការសន្សំបុណ្យ និងញ៉ាំងចិត្តឲ្យជ្រះថ្លា និងបរិសុទ្ធដែរ៕

ប្រភព៖ ប្រេត មាន១២ពួក

សិក្សាពីចំណេះដឹងទូទៅ

38877មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (3)

មិត្ត549227533

· 2021-10-11

ប្រេតមាន12ពួកតាមកម្មដែលគេបានសាង។

អ្នករក្សាបុរី

· 2021-10-07

ពពួកប្រតគឺជាសត្វក្នុងកំណើត អបាយភូមិ កុំច្រឡំថាប្រេតទីលំនៅ របស់ពួកនេះមកពីស្ថាននរក គឺមិន មែនទេ សត្វនរកគឺជាសត្វស្ថិតនៅ ក្នុងទីស្ថាននរក មិនដែលយមបាលឬ ក៏យមរាជដោះលែងនោះទេ តែសត្វ ពួកអស់នេះអាចទទួលការឧទ្ទិសពី ពពួកញាតិនៅស្ថានមនុស្សលោកធ្វើ បុណ្យឧទ្ទិសកុសលឲ្យបាន ចំណែក ពួកប្រេតក៏យ៉ាងដូច្នេះដែរ មានតែ ប្រភេទប្រេតមួយពួកប៉ុណ្ណោះដែល អាចទទួលកុសលពីញាតិនៅស្ថាន មនុស្សលោកបាន គឺបារាតតាតូ ជីវកប្រេត៖។

ស្អប់ចរឹក

· 2021-10-07

ទោះមានប៉ុន្មាន ក៏សម័យ នេះមនុស្សវាលែងខ្លាចអស់ហើយ...