(រូបតំណាង​)

កាលពីព្រេងនាយមានកិន្នរី៥នាក់ជាបងប្អូននឹងគ្នា។ ថ្ងៃមួយកិន្នរជាបងទាំង៤នាក់បានហេីរហោះលេងកំសាន្តនិងបានឈប់នៅក្នុងព្រៃមួយដែលព្រៃនោះមានសត្វពីងពាងញីឈ្មោលមួយគូរស់នៅ។

(រូបតំណាង​)

ពេលពីងពាងបានឃេីញពួកកិន្នរក៏បានទៅខាំក្រញីដែលធ្វេីឲ្យពួកនាង​រយះមុខខូចអស់។ ពួកនាងខឹងនឹងពីងពាងក៏បានទៅជួបនឹងតាជាឥសីមួយអង្គដោយសុំឲ្យទៅសម្លាប់ពីងពាងឲ្យខ្លួន។ តាឥសីពុំយល់ព្រមដោយតបថា​ គាត់ជាអ្នកកាន់សីលមិនសម្លាប់សត្វនោះទេ។ ពួកនាងកិន្នរក៏បានទៅនាំនាងកិន្នរពៅជាប្អូនដែលមិនត្រូវបានពីងពាងខាំក្រញីនៅមានរូបឆោមលោមពណ៌ស្អាត​ មកឲ្យអង្វរលោកតាឥសីទៅសម្លាប់ពីងពាងដោយសន្យាថានឹងឲ្យនាងកិន្នរពៅនៅបម្រេីលោកតា។ តាឥសីដោយពុំទាន់អស់កិលេសនៅឡេីយដោយឃេីញនាងពៅស្អាត​ក៏ទទួលទៅសម្លាប់ពីងពាងទាំង២នោះព្រោះចង់បាននាងកិន្នរពៅ។

(រូបតំណាង​)

ក្រោយពេលសម្លាប់ពីងពាងហេីយ​ នាងកិន្នរបានហេីរទៅបាត់អស់រួមទាំងនាងពៅផងដែរ។ ពេលនោះទេីបឥសីដឹងខ្លួនថាចាញ់កលនាងកិន្នរ។តាឥសីប្រឹងសែកមន្តប្រោសពីងពាងឲ្យរស់ឡេីងវិញតែពុំអាចទៅរួចឡេីងព្រោះគាត់បានដាច់ឈានសមាបត្តិ​ បាត់ទៅហេីយ​ គាត់ក៏បានត្រឹមតែសោកស្ដាយព្រោះឈ្លក់នឹងសម្រស់ស្រីស្អាតលុះត្រាតែដាច់សីលដែលខំរក្សាជាយូរមកហេីយ។ 

គតិអប់រំ៖កុំឈ្លក់វង្វេងនឹងលាភសក្ការៈដោយមិនគិតអ្វីខុសអ្វីត្រូវឲ្យសោះ​ ព្រោះបេីបានដោយរឿងមិនត្រឹមត្រូវនោះក៏គង់នឹងវិនាសទៅវិញជាពុំខាន។ 

អត្ថបទដោយ​៖រិន​ សុភក្ត្រា​

រូបភាព៖ក្រសួងវប្បធម៌និងវិចិត្រសិល្បៈ