កីឡាករ Mason Mount របស់ក្លិប Chelsea បានស៊ុតបញ្ចូលទីក្នុងការប្រកួត Premier League បីលើកចុងក្រោយរបស់គាត់បានធ្វើឱ្យគាត់ក្លាយជាកីឡាករក្មេងបំផុតដែលស៊ុតបញ្ចូលទីបានបួនគ្រាប់ជាប់ៗគ្នា សម្រាប់ក្រុមតោខៀវ Chelsea ក្នុងការប្រកួតក្របខ័ណ្ឌ Premier League ។ក្លិប Chelsea មិនដែល​ស្គាល់ពាក្យថា​ចាញ់​សោះ​ក្នុង​ការ​ប្រកួត​ក្នុង​ផ្ទះនោះឡើយនៅ Premier League ប្រកួតបាន 26 លើក​ចុង​ក្រោយ​ទល់​នឹង Everton ដោយឈ្នះ 15 ស្មើ 11 សម្រាប់ក្រុម Chelsea ។ ចំណែកក្លិប Everton វិញក៏មិនដែល​ស្គាល់ពាក្យថា​ចាញ់​សោះ​ ក្នុង​ការ​ប្រកួត​កាល​ពី​ថ្ងៃ​ព្រហស្បតិ៍ ដោយប្រកួតបាន 5 លើក​ចុង​ក្រោយ​ក្នុង​ការ​ប្រកួត Premier League “ឈ្នះ 2 និងស្មើ 3”។ដូច្នេះក្រុមតោខៀវ Chelsea អាចនឹងរកបានគ្រាប់បាល់តិច ពិសេសត្រូវការឈ្នះតែម្តង ដោយសារតែក្រុម Everton ក៏ត្រូវការឈ្នះផងដែរ ដើម្បីរំកិលខ្លួនចេញពីតំបន់គ្រោះថ្នាក់ ដែលត្រូវកាត់ចោល។  ក្រុម Chelsea ឈរលេខរៀងទី 3 មាន 36 ពិន្ទុ ត្រូវការឈ្នះជាចាំបាច់ ដើម្បីឆ្ពោះទៅឈរលេខរៀងលើកំពូលតារាង រីឯក្រុម Everton មាន 18 ពិន្ទុ ឈរលេខរៀងទី 18 តាមការទស្សទាយ ក្រុម Chelsea ឈ្នះ Everton 2-0 ក្នុងរាត្រីយប់នេះ ៕

អត្ថបទ៖ ឡុង រតនា