កីឡាវាយសីជាកីឡាមួយប្រភេទដែលប្រជាជនស្ទើពេញពិភពលោកនិយមលេងនឹងស្គាល់កីឡាប្រភេទនេះដែលគេលេងជាលក្ខណៈហាត់ប្រាណជាមួយមិត្តភក្តិ និងក្រុមគ្រួសារដើម្បីបំបាត់អផ្សុកផងដែរ។

កីឡាវាយសីត្រូវបានបង្កើតឡើងដំបូងគេនៅមូលដ្ឋានកងទ័ពចក្រភពអង់គ្លេស ដោយកីឡានេះគេលេងជាមួយនឹងឧបករណ៍ ដែលមានដងសម្រាប់កាន់ដែលសព្វថ្ងៃនេះហៅរ៉ាកែត ( Raquets )និងមានផ្លែសម្រាប់វាយ(សី) ដែលគ្រាន់តែវាយទៅមកបើខាងណាធ្វើឲ្យធ្លាក់គឺជាអ្នកចាញ់ ក្រោយមកបុរសជនជាតិអង់គ្លេសម្នាក់បានបន្ថែមសំណាញ់នៅចំកណ្តាលទៅលើល្បែងនេះ ហើយល្បែងវាយសីនេះក៏ពេញនិយមរហូតដល់សព្វថ្ងៃនេះ។

(រូបតំណាង)

ចំពោះការលេងកីឡាវាយសីដែលជាលក្ខណៈស្ដង់ដាគេច្រើនលេងនៅក្នុងទីលានដែលមានដំបូលពីលើ តែបើយើងលេងដើម្បីសុខភាពនិងគ្រាន់កំសាន្តសប្បាយគេលេងនៅតាមទីសារធារណៈក៏បានដែរ កីឡាប្រភេទនេះវាមិនសូវធ្វើឲ្យមានគ្រោះថ្នាក់ដូចកីឡាមួយចំនួនទេ។

ចំពេាះការលេងកីឡាវាយនៅទីលានប្រកួតគេចែកចេញជាពីរប្រភេទគឺ១ទល់នឹង១(ឯកត្តជន)និង ២ទល់នឹង២(គូរ)។ពិន្ទុនៃការលេងបើតាមប្រព័ន្ធចាស់មួយសិតមានត្រឹមតែ១៥ពិន្ទុបុ៉ណ្ណោះ តែសំរាប់ប្រព័ន្ធថ្មីសព្វថ្ងៃនេះមួយសិតមាន២១ពិន្ទុ។ឯសម្ភារៈសម្រាប់លេងកីឡាវាយសី អត្តពលិកត្រូវមានឯកសណ្ឋានកីឡា ស្បែកជើងកីឡាសម្រាប់ប្រកួត ប្រដាប់ការពារជង្គង់ ស្បៃសម្រាប់ពាក់ការពារកដៃប្រសិនបើមាន ក្រៅពីនេះគឺត្រូវមានរា៉កែតនិងសី។

អត្ថបទដោយ៖រាត្រីសុបិន

"ខ្ញុំយល់ព្រមចូលរួមកម្មវិធី មាតិកាឆ្នើម ដោយគោរពតាមលក្ខខណ្ឌដែលបានកំណត់"