សហព័ន្ធបាល់ទាត់របស់ប្រទេសជប៉ុន បានបញ្ចេញនូវបញ្ជីឈ្មោះកីឡាករទាំង២៣នាក់ ដើម្បីត្រៀមខ្លួនក្នុងការលេងទល់នឹងក្រុមជម្រើសជាតិ U23 កម្ពុជា នៅថៃ្ងទី២០ ខែកញ្ញាខាងមុខនេះ។

បើយោងតាមទំព័រហ្វេសប៊ុកផេកដែលមានឈ្មោះថា ASEAN FOOTBALL បានឲ្យដឹងថា កីឡាករស្ថិតក្នុងបញ្ជីដែលជប៉ុនបានបញ្ចេញនោះ គឺសុទ្ធសឹងតែជាកីឡាករដែលលេងឲ្យក្រុមសាកលវិទ្យាល័យក្នុងប្រទេសប៉ុណ្ណោះ។

ការប្រកួតមិត្ដភាពរវាងកម្ពុជា U23 ទល់នឹងជប៉ុន U23 នឹងត្រូវធើ្វឡើងនៅថៃ្ងទី២០ ខាងមុខនេះ ក្នុងពហុកីឡដ្ឋានមរតកតេជោ ខណៈការប្រកួតនេះគឺជាការត្រៀមខ្លួនសម្រាប់ក្រុមម្ចាស់ផ្ទះ ក្នុងការត្រៀមស្វាគមន៍ព្រឹត្ដិការណ៍កីឡាអាស៊ីអាគ្នេយ៍ឆ្នាំក្រោយផងដែរ៕

ប្រភព៖ Sportbibble