កម្ពុជាអស់ឱកាសឡើងទៅវគ្គបន្តទៀតហើយ ដោយក្រុមបាល់ទាត់យុវជនកម្ពុជាអាយុក្រោម២០ឆ្នាំ បានបញ្ចប់ការប្រកួតជម្រុះបាល់ទាត់យុវជនអាស៊ី ២០២៣ “AFC U20 Championship 2023” ដោយរកបានតែមួយពិន្ទុប៉ុណ្ណោះ ក្រោយស្មើជាមួយសិង្ហបុរី និងចាញ់ពីរប្រកួត ក្រោមថ្វីជើងបច្ចេកទេសរបស់លីបង់ ០ទល់១ និងម្ចាស់ផ្ទះតាហ្ស៊ីគីស្ថាន ១ទល់នឹង២។ ចំនែកឥណ្ឌូនេស៊ី ឈ្នះវៀតណាម ៣ទល់នឹង២ ឡើងទៅវគ្គចុងក្រោយឆ្នាំក្រោយ។

សូមបញ្ជាក់ថា ក្រុមបាល់ទាត់យុវជនកម្ពុជាអាយុក្រោម២០ឆ្នាំ នឹងត្រលប់មកប្រទេសកម្ពុជា ក្រោយការប្រកួតបានបញ្ចប់ ប៉ុន្តែយើងនៅសល់ការប្រកួតមិត្តភាពអន្តរជាតិចំនួន ២ទៀត ដែលកម្ពុជា ធ្វើជាម្ចាស់ផ្ទះ សម្រាប់ស្អែកនេះក្រុមជម្រើសជាតិកម្ពុជា U23 នឹងប្រកួតជាមួយក្រុមជម្រើសជាតិជប៉ុន​U23​ ចំណែកថ្ងៃទី២២ ខែកញ្ញា ក្រុមជម្រើសជាតិកម្ពុជាឈុតធំ នឹងប្រួតជាមួយក្រុមជម្រើសជាតិបង់ក្លាដែស សូមចូលរួមគាំទ្រកីឡាបាល់ទាត់កម្ពុជា​ឱ្យច្រើនកុះករនៅពហុកីឡដ្ឋានជាតិមរតកតេជោ៕

អត្ថបទ៖ ឡុង រតនា