Barcelona បានឃើញស្រមោលពាន La Liga លឹមៗហើយបន្ទាប់ពីយកឈ្នះ Real Betis រហូត៤ទល់នឹង១ក្នុងជំនួប សប្ដាហ៍ទី២៨កាលពីយប់មិញ។

ជ័យជម្នះនេះជួយក្រុមយក្សរបស់កាតាឡាន់ឈរកំពូលតារាងដោយដាច់លេខ២ Atletico Madrid រហូត១០ពិន្ទុខណៈការប្រកួតនៅសល់តែ១០សប្ដាហ៍ទៀតប៉ុណ្ណោះនឹងត្រូវបញ្ចប់ហើយ។ ៤គ្រាប់របស់ Barcelona ស៊ុតបញ្ចូលទីដោយតារាឆ្នើម Lionel Messi ៣គ្រាប់តែឯងនៅនាទី១៨, ៤៥ និង៨៥ និង១គ្រាប់ទៀតដោយ Suárez នាទី៦៣។

លទ្ធផលក្រុម Top 6 សប្ដាហ៍នេះគឺ Atlectico Madrid បានចាញ់ Bilbao ២ទល់នឹង០, Real Madrid បានយកឈ្នះ Celta Vigo ២ទល់នឹង០, Sevilla យកឈ្នះ Espanyol ១-០៕