អ្នកលេងកណ្ដាប់ដៃ ម៉ឺន សុភា បានវិលចូលសង្វៀនគុនខ្មែរវិញហើយល្ងាចនេះ បន្ទាប់ពីសម្រាកព្យាបាលរបួស និងរៀបការប្រកួតរួចមក។

កីឡាករ ម៉ឺន សុភា

ម្ចាស់មេដាយប្រាក់ស៊ីហ្គេម ២០១៧ ខាងលើនេះ អាក់ខានឡើងសង្វៀនយូរដែរហើយ បន្ទាប់ពីរូបគេវិលត្រលប់មកពីប្រទេសបារាំងហើយមានរបួសស្នងជើង និងដៃ។ ក្រោយពេលសម្រាកព្យាបាលរបួសរួចមក ម៉ឺន សុភា បានបង្ហាញមុខជាថ្មី១ប្រកួតដែរ ប៉ុន្តែបានត្រឹមស្មើពិន្ទុកីឡាករថៃ រួចក៏សម្រេចចិត្តសម្រាកព្យាបាលខ្លួន និងថែខ្លួនប្រាណរៀបការតែម្ដង ដោយផ្អាកប្រកួតរហូតដល់ពេលនេះល្ងាចនេះ។

របួសរបស់ ម៉ឺន សុភា ពីមុន

គេមើលឃើញថា អ្នកលេងគុនខ្មែររូបនេះ សម្រុកហ្វឹកហាត់ជាខ្លាំងជាមួយ លោកគ្រូ ធន់ សុភា ដើម្បីជាការត្រៀមខ្លួនឲ្យបានល្អ សម្រាប់ការប្រកួតមិត្តភាពអន្តរជាតិជាមួយអ្នកលេងគុនថៃនៅសង្វៀនបាយ័ន។

សុភា ពេលស្មើជាមួយ រ៉ារឿង

បញ្ជាក់ផងដែរថា ការប្រកួតមិត្តភាពអន្តរជាតិរបស់សង្វៀនបាយ័ន កម្មវិធីគូបូតា ម៉ោង៧យប់នេះ មានពីរគូ ទី១ ម៉ឺន មេឃា ប្រកួតលើប្រភេទទម្ងន់ ៦០ Kg ជាមួយថៃ Eakaumnuay Chhor. Chhorkaumnuay និងគូទី២ ម៉ឺន សុភា ប៉ះ Khamlaipetch Phakthungchai ក្នុងទម្ងន់ ៧២ Kg៕