អ្នកគាំទ្រតារា K POP ពិតមានការរំភើបចិត្តជាខ្លាំង ក្រោយបានឃើញតារាចម្រៀងលំដាប់អន្តរជាតិ លោក Rain និងកញ្ញា HyunA បានមកកម្ពុជាយើង ដើម្បីចូលរួមកម្មវិធី GANZBERG Super Idol Concert ជាមហាព្រឹត្តិការណ៍ប្រគំតន្ត្រីលំដាប់អន្តរជាតិធំអស្ចារ្យជាងគេ នឹងប្រារព្ធធ្វើឡើងនាថ្ងៃទី ២៧ ខែមករា ឆ្នាំ២០២៤។

ដោយវត្តមានរបស់តារាប្រុសស្រីទាំង ២ដួងនេះ គឺមានសន្ទុះការគាំទ្រយ៉ាងខ្លាំងដល់ថ្នាក់លក់សំបុត្រអស់មុនកាលកំណត់ថែមទៀតផង ដោយគ្រប់គ្នារំពឹងទុកថា លោក Rain និងកញ្ញា HyunA នឹងមានអ្វីពិសេសយកមកបង្ហាញ ដូចជាបទចម្រៀងល្បីៗរបស់ខ្លួន ព្រមទាំងក្បាច់រាំដ៏រស់រវើក ធានាថាបានទស្សនាផ្ទាល់បង្កើតភាពសប្បាយរីករាយជាក់ជាមិនខាន។

គួរបញ្ជាក់ផងដែរថា ក្នុងមហាព្រឹត្តិការណ៍ប្រគំតន្ត្រីលំដាប់អន្តរជាតិនេះដែល គ្រាន់តែការរៀបចំឆាកយ៉ាងគឺធំសម្បើមល្អឥតខ្ចោះ ប្រកបដោយប្រព័ន្ធសុវត្តិភាពខ្ពស់ស្តង់ដារអន្តរជាតិ មិនត្រឹមតែប៉ុណ្ណោះក៏មានការចូលរួម​ពីតារាល្បីៗនៅក្នុងប្រទេសកម្ពុជាយើងមកសម្ដែងជូនទស្សនាបន្ថែមទៀតផងដែរ៕

សម្រួលដោយ៖ Sun Darasy