អ្នកការទូតអាមេរិកម្នាក់កាលពីថ្ងៃចន្ទ បានសម្តែងក្តីសង្ឃឹមចំពោះកូរ៉េខាងត្បូងក្នុងការផ្តល់ការគាំទ្រសម្ភារៈការពារបន្ថែមទៀតដល់អ៊ុយក្រែន ដោយសង្កត់ធ្ងន់លើសារៈសំខាន់នៃជំនួយការពារដែនអាកាសសម្រាប់កងកម្លាំងអ៊ុយក្រែន ដែលកំពុងព្យាយាមទប់ទល់នឹងការពារការវាយប្រហាររបស់រុស្ស៊ី។

ថ្លែងនៅក្នុងវេទិកាមួយ លោកស្រី Yuri Kim ឧបការីរងអនុរដ្ឋមន្ត្រីការបរទេសទទួលបន្ទុកកិច្ចការអឺរ៉ុប និងអឺរ៉ាស៊ី បានគូសបញ្ជាក់អំពីតម្រូវការសម្រាប់ការបន្តជំនួយដល់អ៊ុយក្រែន ខណៈដែលការគាំទ្រផ្នែកយោធារបស់សហរដ្ឋអាមេរិកចំពោះប្រទេសដែលរងការបំផ្លិចបំផ្លាញដោយសង្រ្គាម បានជាប់គាំងជាមួយនឹងច្បាប់ផ្តល់មូលនិធិ ដែលធ្វើឡើង នៅក្នុងសភា ដោយសារតែមានការជំទាស់ពីគណបក្សសាធារណរដ្ឋ។

លោកស្រី បាននិយាយក្នុងអំឡុងពេលវេទិកាតាមអនឡាញដែលរៀបចំដោយវិទ្យាស្ថានសម្រាប់ការសិក្សាកូរ៉េ -អាមេរិក (ICAS)ថា៖«យើងបានឃើញកូរ៉េខាងត្បូងផ្តល់ឲ្យអ៊ុយក្រែននូវការគាំទ្រផ្នែកនយោបាយប៉ុណ្ណោះ ប៉ុន្តែការគាំទ្រផ្នែកការពារជាក់ស្តែង ហើយយើងចង់ឃើញសម្ភារៈទាំងនោះបន្ថែមទៀតនឹងទៅដល់អ៊ុយក្រែន»។ 

ជាពិសេស លោកស្រី Yuri Kim បានលើកឡើងពីសារៈសំខាន់នៃឧបករណ៍ការពារដែនអាកាស ដែលត្រូវការសម្រាប់កងកម្លាំងអ៊ុយក្រែន ដើម្បីការពារខ្លួន និងទឹកដីរបស់ពួកគេ។

ជាពិសេស អ្វីដែលយើងបានលើកទឹកចិត្តដល់សមាជិកគ្រប់រូបនៃក្រុមចម្រុះក្នុងការផ្តល់ជូន គឺការការពារដែនអាកាស ព្រោះយើងឃើញថា ការការពារដែនអាកាសមានភាពខុសគ្នាយ៉ាងខ្លាំង ដោយសំដៅដល់ក្រុមនៃប្រទេសចំនួន៥០ ដែលប្តេជ្ញាគាំទ្រប្រទេសដែលហែកហួរដោយសង្រ្គាមនេះ។

https://en.yna.co.kr/view/AEN20240227002700315