មនុស្សម្នាក់រងរបួស ក្នុងឧបទ្ទវហេតុផ្ទុះរោងចក្រថាមពលជីវម៉ាស នៅប្រទេសជប៉ុន

#ប្រទេសជប៉ុន# #NEW NEWS# #ឧបទ្ទវហេតុផ្ទុះរោងចក្រ# #ព័ត៌មាន# #ព័ត៍មានអន្តរជាតិ# #មនុស្សម្នាក់រងរបួស#

6402

យោងតាមប្រព័ន្ធផ្សព្វផ្សាយជប៉ុនបានឲ្យដឹងថា បុរសម្នាក់បានរងរបួសបន្ទាប់ពីការផ្ទុះមួយត្រូវបានគេរាយការណ៍នៅរោងចក្រថាមពលជីវម៉ាសនៅ Ishikari, ហុកកៃដូ កាលពីព្រឹកថ្ងៃសុក្រ។

យោងតាមប្រព័ន្ធផ្សព្វផ្សាយក្នុងស្រុកប្រទេសជប៉ុន បានឱ្យដឹងថាបុគ្គលិកម្នាក់មកពីរោងចក្រថាមពលបានទូរស័ព្ទហៅសេវាសង្គ្រោះបន្ទាន់។ ដោយមានសេចក្តីរាយការណ៍ពីសាក្សីម្នាក់ដែលបានឃើញហេតុការណ៍ បានឱ្យដឹងថាផ្នែកនៃដំបូលរចនាសម្ព័ន្ធរោងចក្របានហោះទៅលើមេឃ។ បុគ្គលិកដែលរងរបួសរលាកដៃ សន្លប់មិនដឹងខ្លួន អំឡុងពេលបញ្ជូនទៅមន្ទីរពេទ្យ។

ក្នុងឧបទ្ទវហេតុនេះដែរ អ្នកពន្លត់អគ្គីភ័យក៏អន្តរាគមន៍នៅកន្លែងដែលផ្នែកខ្លះនៃរចនាសម្ព័ន្ធត្រូវបានខូចខាត។ ជាមួយគ្នានោះ វីដេអូពី NTV បង្ហាញពីរចនាសម្ព័ន្ធបាក់រលំមួយផ្នែក ខណៈពេលដែលកម្មករធ្វើការស្ទង់មើលការខូចខាត៕

សម្របសម្រួលអត្ថបទដោយ៖ ផល្លីកា

ព័ត៌មានអន្តរជាតិ

63727មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។