អាជ្ញាធរម៉ាឡេស៊ីបាននិយាយថា មនុស្ស១១២នាក់បានរងរបួសនៅក្នុងគ្រោះអគ្គិភ័យដ៏ធំមួយដែលបានផ្ទុះឡើងនៅឯស្ថានីយ៍បំពង់បង្ហូរឧស្ម័ន Petronas ក្នុងតំបន់ Putra Heights នៃទីក្រុង Puchong នៅព្រឹកថ្ងៃអង្គារនេះ ។ ហេតុការណ៍នេះបានកើតឡើងនៅម៉ោងប្រហែល ៨៖១០ព្រឹក ម៉ោងក្នុងស្រុក។ ជនរងគ្រោះចំនួន ៤៩ នាក់កំពុងទទួលការព្យាបាលនៅមូលដ្ឋានវេជ្ជសាស្រ្ត ខណៈដែលជនរងគ្រោះចំនួន ៦៣ នាក់ផ្សេងទៀតត្រូវបានបញ្ជូនទៅមន្ទីរពេទ្យនៅក្បែរនោះដើម្បីព្យាបាលបន្ថែមទៀត។

ជំនួយការនាយកដ្ឋានពន្លត់អគ្គិភ័យ និងជួយសង្គ្រោះ Selangor បាននិយាយថា អគ្គិភ័យនេះពាក់ព័ន្ធនឹងការលេចធ្លាយបំពង់បង្ហូរឧស្ម័ន Petronas ជាមួយនឹងបំពង់បង្ហូរប្រេងប្រហែល ៥០០ ម៉ែត្របានបង្កឲ្យមានការឆាបឆេះ ។ អណ្តាតភ្លើងត្រូវបានគេរាយការណ៍ថា បានឈានដល់ប្រវែងរាប់រយម៉ែត្រទៅលើមែឃ ហើយអាចមើលឃើញពីចម្ងាយជាច្រើនគីឡូម៉ែត្រ។  ជនរងគ្រោះបានរងរបួសដោយការរលាក ពិបាកដកដង្ហើម និងរបួសផ្សេងទៀត ហើយផ្ទះជាច្រើនខ្នងក៏ត្រូវភ្លើងឆាបឆេះផងដែរ។ បន្ទាប់ពីកើតហេតុ ដោយក្រុមពន្លត់អគ្គិភ័យកំពុងធ្វើការជួយសង្គ្រោះអ្នកស្រុកដែលជាប់គាំង និងផ្តល់ជំនួយដល់ជនរងគ្រោះនៅមជ្ឈមណ្ឌលសង្គ្រោះបណ្តោះអាសន្ននៅ Masjid Putra Heights ។ ប្រជាពលរដ្ឋ​នៅ​តំបន់​ជុំវិញ​ត្រូវ​បាន​ជម្លៀស​ចេញ​ជា​ការ​ប្រុង​ប្រយ័ត្ន។

គួររំលឹកផងដែរថា Putra Heights គឺជាតំបន់លំនៅដ្ឋានដែលត្រូវបានអភិវឌ្ឍយ៉ាងល្អដែលមានទីតាំងនៅជិតអាកាសយានដ្ឋាន Subang ដែលធ្វើឱ្យវាក្លាយជាទីតាំងដែលគួរឱ្យចង់រស់នៅសម្រាប់អ្នកដែលស្វែងរកភាពងាយស្រួល និងចូលទៅកាន់ផ្នែកសំខាន់ៗនៃជ្រលងភ្នំ Klang៕