ប្រធានាធិបតីអាម៉េរិក លោកDonald Trump កាលពីថ្ងៃពុធ ទី ២ មេសា បានបង្ហាញផែនការដាក់ពន្ធ ១០% លើដៃគូពាណិជ្ជកម្មទាំងអស់របស់សហរដ្ឋអាមេរិកដោយប្រកាសយកពន្ធនាំចូលទំនិញថ្មីពីប្រទេសជាច្រើន ក៏ដូចជាពន្ធខ្ពស់លើប្រទេសរាប់សិបផ្សេងទៀត។

ក្នុងនោះក៏មានប្រទេសកម្ពុជាផងដែរ ដែលឈរនៅលេខរៀងខ្ពស់ជាងគេប្រមាណជិត៥០ភាគរយ និងតាមពីក្រោយដោយឡាវ វៀតណាម ស្រីលង្កា។ ការសម្រេចដំឡើងពន្ធថ្មីលើកម្ពុជានេះ គឺតបពន្ធដែលកម្ពុជាយកពន្ធពីអាម៉េរិក៩៧% លោក  Trump ដាក់ពន្ធ ៤៩%លើទំនិញនាំចូលពីកម្ពុជាវិញ។

ក្នុងតារាងបញ្ជីប្រទេសដែលអាម៉េរិកសម្រេចដំឡើងពន្ធថ្មីលើមុខទំនិញ គឺប្រទេសកម្ពុជាឈរលើកំពូលតារាងដែលមាន ៤៩%។ ប្រទេសផ្សេងទៀតដែលប្រឈមនឹងការដំឡើងពន្ធក្នុងអត្រាខ្ពស់បំផុតនោះ រួមមានវៀតណាម ៤៦% ស្រីលង្កា ៤៤% បង់ក្លាដែស ៣៧% ចិន ៣៤% ឥណ្ឌា ២៦% កូរ៉េខាងត្បូង ២៥% ជប៉ុន ២៤% និងប្រទេសក្នុងសហភាពអឺរ៉ុប ២០%៕