នគរបាលចាប់ខ្លួនជនសង្ស័យសរុបចំនួន០៨នាក់ ស្ថិតនៅចំណុចផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ពាក់ព័ន្ធករណីគ្រឿងញៀន ក្រោយពលរដ្ឋរាយការណ៍តាម App Nodrug។

នៅថ្ងៃទី១៤ ខែមេសា ឆ្នាំ២០២៥ ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំដោយលោកឧត្ដមសេនីយ៍ទោ គល់ យី ស្នងការរងទទួលផែនការងារប្រឆាំងគ្រឿងញៀន ក្រោយពីទទួលបានព័ត៌មាន បានចុះទៅដល់ទីតាំង និងធ្វើការស្រាវជ្រាវមុខសញ្ញាដែលប្រជាពលរដ្ឋរាយការណ៍ ខណ្ឌដូនពេញ រាជធានីភ្នំពេញ។ ជាលទ្ធផល មកដល់ថ្ងៃទី១០ ខែមេសា ឆ្នាំ២០២៥ ដោយទទួលបានការចង្អុលបង្ហាញពីលោកនាយការិយាល័យប្រឆាំងគ្រឿងញៀន និងលោកអធិការនគរបាលខណ្ឌដូនពេញ កម្លាំងគណៈបញ្ជាការឯកភាពខណ្ឌដូនពេញ បានចុះធ្វើរដ្ឋបាលប្រមូលជនអនាថាចំនួន០៨នាក់ ដែលប្រើប្រាស់គ្រឿងញៀន នៅចំណុចផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ នាំមកកាន់សាលាខណ្ឌដូនពេញ ដើម្បីបញ្ជូនទៅព្យាបាល និងបន្សាបគ្រឿងញៀននៅមណ្ឌលសង្គមកិច្ចរាជធានីភ្នំពេញ៕