១. ជនបង្កគ្រោះថ្នាក់ចរាចរណ៍នៅមុខក្រសួងមហាផ្ទៃ ត្រូវបានបញ្ជូនទៅតុលាការនាព្រឹកនេះ

ក្រោយពីប៉ុន្មានថ្ងៃនេះមានការជជែកវែកញែកច្រើនតាមបណ្ដាញសង្គម លើករណីគ្រោះថ្នាក់ចរាចរណ៌ដ៏រន្ធត់បុករះ កាលពីរសៀលថ្ងៃ ទី១៥ ខែឧសភា ឆ្នាំ២០២៥ មុខក្រសួងមហាផ្ទៃ បណ្តាលឲ្យជនរងគ្រោះម្នាក់ស្លាប់ និងរងរបួសធ្ងន់ និងស្រាលចំនួន ០៥នាក់។

២. រដ្ឋមន្រ្តីក្រសួងបរិស្ថាន គ្រោងបន្តដាក់គោលដៅលម្ហែបៃតងភ្នំខ្នងផ្សារឱ្យក្លាយអនាគតថ្មីដល់ប្រជាសហគមន៍តំបន់ការពារធម្មជាតិ​

ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ថ្ងៃទី១៦ ខែឧសភា ឆ្នាំ២០២៥ បានអញ្ជើញជាអធិបតីក្នុងពិធីសម្ពោធបើកការដ្ឋានសាងសង់ផ្លូវចូលទៅកាន់ ភ្នំខ្នងផ្សារ និងហេដ្ឋារចនាសម្ព័ន្ធបម្រើឱ្យគោលដៅលម្ហែបៃតងតំបន់ភ្នំខ្នងផ្សារ នៅភូមិតាំងបំពង់ ស្រុកឱរ៉ាល់ ខេត្តកំពង់ស្ពឺ។

៣. អាជ្ញាធរខេត្តស្ទឹងត្រែងចាប់បានទន្សោងចំនួន១៦ក្បាលយកទៅរក្សាទុក និងអភិរក្សនៅតំបន់ដែលមានសុវត្ថិភាព

បើតាមការបញ្ជាក់ ឯកឧត្តម សរ សុពុត្រា អភិបាលខេត្តស្ទឹងត្រែង បានលើកឡើងថា ដោយមានកិច្ចសហការគាំទ្រពីអង្គការអភិរក្សសៀមប៉ាង និងក្រុមហ៊ុនរ៉ាយហ្សីងហ្វូនិក បានបើកប្រតិបត្តិការគៀងចាប់ហ្វូងសត្វទន្សោងដែលបានបម្លាស់ទីពីដែនជម្រកសត្វសៀមប៉ាង មកដល់ចំនុចដែលមានការគម្រាមកំហែងពីការបរបាញ់របស់ពួកជនខិលខូច ដើម្បីយកទៅរក្សាទុក និងអភិរក្សនៅកន្លែងដែលមានសុវត្ថិភាពវិញ ប្រកបដោយជោគជ័យ។

៤.ព្រះសង្ឃថៃមួយអង្គត្រូវបានចាប់ខ្លួន ក្រោយរកឃើញថាបានកិបកេងប្រាក់មូលនិធិជាង ៩លានដុល្លារយកទៅលេងល្បែងអនឡាញ

ប៉ូលិសថៃបានចាប់ខ្លួនព្រះសង្ឃមួយអង្គ ជុំវិញការចោទប្រកាន់ថា បានកិបកេងប្រាក់ជាង ៩លានដុល្លារអាម៉េរិក ដែលជាមូលនិធិកសាងព្រះវិហារដោយការបរិច្ចាគពីពុទ្ធបរិស័ទ។ ក្រុមអ្នកស៊ើបអង្កេតមកពីការិយាល័យស៊ើបអង្កេតកណ្តាល (CIB) បានចោទប្រកាន់ព្រះចៅអធិការព្រះនាម Phra Thammachiranuwat ព្រះជន្ម ៦៩ព្រះវស្សាមកពីវត្ត Rai Khing ពីបទលួចបច្ច័យជាង៣០០ លានបាត (៩.០៥លានដុល្លារអាម៉េរិក) ដោយផ្ទេរពីគណនីធនាគាររបស់វត្តទៅក្នុងគណនីផ្ទាល់ខ្លួន។

៥. ការស្លាប់របស់អ្នកផលិតមាតិកាវ័យក្មេង Valeria Marquez ដែលត្រូវ​បាន​គេ​បាញ់​សម្លាប់នៅ​ប្រទេស​ម៉ិកស៊ិកស្ថិតក្រោមការ​ស៊ើបអង្កេត​

កញ្ញា Valeria Marquez អាយុ ២៣ ឆ្នាំជាអ្នកផលិតមាតិកាលើប្រព័ន្ធផ្សព្វផ្សាយសង្គមម៉ិកស៊ិកត្រូវបានបាញ់សម្លាប់ក្នុងអំឡុងពេលផ្សាយផ្ទាល់ TikTok កាលពីថ្ងៃអង្គារ។ នាងត្រូវបានគេស្គាល់តាមរយៈការផលិតមាតិកាអំពីភាពស្រស់ស្អាត និងការតុបតែងខ្លួនរបស់នាង។ Marquez ត្រូវបានសម្លាប់នៅក្នុងហាងកែសម្ផស្សដែលនាងធ្វើការនៅ Zapopan ដែលជាទីក្រុងធំបំផុតក្នុងរដ្ឋ Jalisco នៃប្រទេសម៉ិកស៊ិក។

៦. ចូលរួមសោកស្តាយផង! អ្នកឡើងភ្នំជនជាតិឥណ្ឌាម្នាក់បានស្លាប់ ខណៈពេលចុះពីលើកំពូលភ្នំអេវឺរ៉េសមកវិញ

បុរសជនជាតិឥណ្ឌាម្នាក់បានស្លាប់បន្ទាប់ពីឡើងភ្នំអេវឺរ៉េស ដែលជាអ្នករៀបចំបេសកកម្មរបស់គាត់បាននិយាយកាលពីថ្ងៃសុក្រថា បុរសរូបនោះក្លាយជាអ្នកស្លាប់ទីពីរនៃរដូវកាលឡើងភ្នំនៅឆ្នាំនេះនៅលើភ្នំខ្ពស់បំផុតរបស់ពិភពលោក។ អ្នកឡើងភ្នំដែលបានស្លាប់ដំបូងគេក្នុងឆ្នាំនេះគឺលោក Philipp Santiago អាយុ ៤៥ ឆ្នាំមកពីប្រទេសហ្វីលីពីនបានស្លាប់កាលពីថ្ងៃពុធខណៈពេលដែលគាត់កំពុងធ្វើដំណើរទៅកាន់កំពូលភ្នំ។

៧. អ្នកលាងរថយន្តម្នាក់បានស្លាប់ ខណៈស៊ីញ៉ូររថយន្តជាន់ហ្វ្រាំងច្រឡំជាន់ហ្គែរស្ទុះ​ផ្ទប់ជញ្ជាំង

នៅព្រឹកថ្ងៃទី១៦ ខែឧសភា ឆ្នាំ២០២៥ មានហេតុការណ៍មួយបានកើតឡើងបណ្ដាលឲ្យមានបុរសម្នាក់ជាកម្មករលាងរថយន្តបានស្លាប់ ពេលកំពុងសុីញ៉ូរថយន្ត១គ្រឿង ឡើងបុង តែអ្នកបើករថយន្តឡើងមិនជាន់ហ្វ្រាំង បែរជាន់ហ្គែរ ស្ទុះ​បុក​ផ្ទប់ជញ្ជាំង ស្ថិតនៅចំណុចផ្ទះលាងរថយន្ដ០១កន្លែង របស់ ឈ្មោះ សាត សឿន ភេទប្រុស អាយុ៧២ឆ្នាំ មុខរបរលាងរថយន្ដ ក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។

៨. «សមយុទ្ធនាគមាសឆ្នាំ២០២៥» កម្ពុជា-ចិនលើប្រធានបទ «ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌» ត្រូវបានប្រកាសបើកជាផ្លូវការ

សមយុទ្ធនាគមាសឆ្នាំ២០២៥កម្ពុជា-ចិនលើប្រធានបទ «ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌» ត្រូវបានប្រកាសបើកជាផ្លូវការនៅព្រឹកថ្ងៃទី១៧ឧសភា ឆ្នាំ២០២៥។ សមយុទ្ធនាគមាសលើកទី៧នៅលើទឹកដីកម្ពុជានេះ មានការប្រើប្រាស់សព្វាវុធកាន់តែទំនើប ព្រមទាំងការប្រើប្រាស់បញ្ញាសិប្បនិម្មិត(AI) ទៀតផង នៅឯមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ក្នុងស្រុកសាមគ្គីមានជ័យ ខេត្តកំពង់ឆ្នាំង។ 

៩. អបអរសាទរ! ស្ងាត់ៗអ្នកផលិតមាតិកា ពេជ្រ សួគ៌លី បង្ហាញរូបភាពភ្ជាប់ពាក្យជាផ្លូវការ

មហាជនអ្នកលេងបណ្ដាញសង្គមមានការភ្ញាក់ផ្អើលយ៉ាងខ្លាំង ខណៈស្ងាត់ៗអ្នកផលិតមាតិកា កញ្ញា ពេជ្រ សួគ៌លី បង្ហោះរូបភាពខ្លួនភ្ជាប់ពាក្យមានគូដណ្តឹងលាភាពនៅលីវ ដោយរូបភាពប៉ុន្មានសន្លឹកនេះធ្វើឲ្យគ្រប់គ្នាផ្ទុះការចាប់អារម្មណ៍ខ្លាំង ក៏ព្រោះដោយសារតែរូបភាពទាំងនោះមិនបានបង្ហាញមុខគូដណ្ដឹងនោះទេ​ គឺបិទមុខ និងបិទឈ្មោះ ដោយគ្រប់គ្នាបានផ្ទុះការវែកញែក និងចែកមិនដាច់ថាជាការពិតឬយ៉ាងណា។

១០.រំភើបជំនួស! ពិធីករ លោក បូរ ភ័កត្រា ដឹកដៃអនាគតភរិយាថតរូប Pre-Wedding យ៉ាងផ្អែមល្ហែម នៅប្រាសាទអង្គរវត្ត

លោក បូរ ភ័កត្រា ចាងហ្វាងទូរទស្សន៍អនឡាញរំដួលធីវី (Rumduol TV) និងជាអ្នកស្ម័គ្រចិត្តរបស់កាកបាទក្រហមកម្ពុជា ជួយសម្រាលការលំបាកដល់អ្នកងាយរងគ្រោះនៅតាមតំបន់ឆ្ងាយដាច់ស្រយាល បានបង្ហាញរូបថត Pre-Wedding យ៉ាងផ្អែមល្ហែមជាមួយអនាគតភរិយាដ៏ស្រស់សោភា នៅមុខប្រាសាទអង្គរវត្ត៕