សួរថាតើអ្នកណាដែលមិនចង់បានស្នេហាបែបស្រឡាញ់គ្នាទាំងសងខាង? គ្រប់គ្នាប្រាកដជាឆ្លើយថាចង់បានតែគ្រប់ៗគ្នានិង ប៉ុន្តែមិនប្រាកដ​​ថាក្តីស្រឡាញ់នោះវាសមបំណងរបស់យើងរហូតទេ។

រឿងស្នេហានេះមួយគឺជារឿងដែលពិបាកជាងគេ ហើយមនុស្សភាគច្រើនតែង​តែ​ចួបឧបសគ្គ ព្រោះអ្នកកំពុងស្រឡាញ់គេម្នាក់ឯង។

(រូបតំណាង)

ការស្រឡាញ់គេតែម្ខាងនេះគឺឈឺចាប់ជាងអ្វីៗទាំងអស់ ហេតុតែលួចស្រឡាញ់គេ តាមស្វែងរកគណនី Facebookផង IGផង រកលេខទូរស័ព្ទគេទុកលួចឆាត លួចខលទៅគេក៏មាន មនុស្សមួយចំនួនធំបានចូលទៅមើលគណនីបណ្ដាញសង្គមរបស់គេមួយថ្ងៃស្ទើតែ១០០ដង​ក៏មានដែរ ដូច Admin ពេលចុងខែចឹង ដឹងតែចូលឆែកមើលគណនីធនាគារថាលុយចូលកុងហើយឬនៅអ៊ីចឹងឯង ខ្លះចូលមើលរូបគេ ស្រាវជ្រាវប្រវត្តិគេ ព្យាយាមនិយាយជាមួយ​គេ ព្យាយាមធ្វើល្អដាក់គេ និយាយពីថាឃើញគេល្អគ្រប់យ៉ាង ហ៊ានធ្វើស្ទើរតែគ្រប់យ៉ាងដើម្បីគេ ទង្វើគ្រប់យ៉ាងនេះគឺព្រោះក្តីស្រឡាញ ប្រាថ្នាចង់ឱ្យគេស្រឡាញ់វិញ តែទោះបីព្យាយាមយ៉ាងណា ក៏គេនៅតែអត់ស្រឡាញ់ដដែល ដូច​បទ​ចម្រៀងមានចំណងជើងថា បើខ្ញុំយំអ្នកណាជូតទឹកភ្នែក ច្រៀងដោយកញ្ញា ឈិន ម៉ានិច ចឹងក្នុងនោះមានខ្លឹមសារឃ្លាដំបូងថា ទើបយល់ថាមនុស្ស​បើគេស្រឡាញ់ មិនធ្វើអ្វីសោះក៏គេអាចស្រឡាញ់ ចំណែក​ខ្ញុំខំដល់ស្លាប់ទៅវិញ គ្មានថ្ងៃយកបានបេះដូងគេ...យើងស្តាប់តែមួយឃ្លានេះគឺដឹងហើយ ព្រោះបទចម្រៀងភាគច្រើនគេសរសេរចេញពីអារម្មណ៍ និងរឿងរ៉ាវពិតៗមួយចំនួនដែរ បើយើងព្យាយាមស្រឡាញ់គេ ធ្វើល្អដាក់គេ ខំប្រឹងប្រែងដើម្បីគេអស់លទ្ធភាពហើយ គេមើលមិនឃើញ យើងធ្វើមើលមិនឃើញគេវិញទៅ មិនខ្វះទេមនុស្សល្អៗដែលស្រឡាញ់អ្នក​ កុំព្យាយាមនៅកន្លែងដែលគេមិនផ្តល់តម្លៃឱ្យអ្នក ត្រូវចាំថាមនុស្សយើងគឺមាន​តម្លៃ មានស្អាតរៀងៗខ្លួន ​កុំទ្រាំនៅបែបនេះនាំតែឈឺចិត្តឥតអំពើទេ ទម្លាក់វាចុះអ្នកនឹងស្រាលខ្លួន បើចិត្តបន្តិច​អ្នកនឹងឃើញមនុស្សម្នាក់ដែលអាចដើររួមផ្លូវជាមួយអ្នករហូតដល់ចាស់ ថាមិនត្រូវមនុស្សម្នាក់នោះកំពុងតែលួច​មើលអ្នកក៏ថាបាន ស្រង់ខ្លួនឯងពីរណ្តៅនៃការឈឺចាប់ដោយសារការស្រឡាញ់គេម្នាក់ឯង ចាប់ពីពេលនេះតទៅណា ត្រូវផ្តើមជីវិតសារជាថ្មីជាមួយមនុស្សដែលគេស្រឡាញ់អ្នក ស៊ូៗណា Admin អត់មានអីច្រើនទេ មានតែប៉ុននេះទេ ។

អត្ថបទដើមដោយៈ Pisey trip