នាវេលាម៉ោង ២៣និង១០នាទី ថ្ងៃទី ១៧ ខែមិថុនា ឆ្នាំ២០២៥ មានករណីអគ្គិភ័យបានឆាបឆេះផ្ទះមួយខ្នង បង្កឲ្យមានការភ្ញាក់ផ្អើល នៅចំណុចភូមិព្រៃរំដួលខាងជើង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។

ហេតុការណ៍អគ្គីភ័យនេះ បានឆាបឆេះផ្ទះ ១ខ្នង ទំហំ ៦×៨ម៉ែត្រ ឈើលើថ្មក្រោម ដំបូលប្រក់ក្បឿង ម្ចាស់ផ្ទះឈ្មោះ ធីម រ៉េត ភេទស្រី អាយុ ៤៣ឆ្នាំរស់នៅភូមិខាងលើ បណ្ដាលឱ្យខូចខាតសម្ភារៈដូចខាងក្រោម ៖

-ផ្ទះឆេះទាំងស្រុង

-គ្រែ ០១ ពូក ០១មុងភួយមួយចំនួន

-អង្ករ០១បេ

 -និងឆេះសម្ភារៈប្រើប្រាស់ក្នុងផ្ទះទាំងអស់និងឯកសារមួយចំនួន

ចំពោះមូលហេតុ៖ ម្ចាស់ផ្ទះដុតធូបមូសចោលលើផ្ទះ បានរលត់ទៅវិញដោយប្រើប្រាស់កម្លាំងចំនួន ១៥នាក់ រថយន្ដពន្លត់អគ្គីភ័យចំនួន ០១គ្រឿង (រថយន្តអធិការស្រុកបសេដ្ឋ) និងប្រើប្រាស់ទឹកអស់ចំនួន០២រថយន្ដ ដោយឡែកករណីខាងលើមិនបណ្ដាលឱ្យគ្រោះថ្នាក់ដល់មនុស្ស សត្វ និងឆេះរាលដល់ផ្ទះអ្នកជិតខាងនោះទេ៕