នាវេលាម៉ោង​ ០៨:៤៥​ នាទីយប់ ថ្ងៃទី១៨​ ខែមិថុនា​ ឆ្នាំ២០២៥នេះ មានករណីអគ្គិភ័យបានឆាបឆេះអាហារដ្ឋាន​ ពេជ្រ​ ចរណៃ​ ល្យុក្តតោ​ មួយកន្លែងដែល​ស្ថិត​នៅផ្លូវលេខ៣១៣​ សង្កាត់​ បឹងកក់ទី២​ ខណ្ឌ​ទួលគោក រាជធានីភ្នំពេញ បណ្ដាលឲ្យខូចសម្ភារៈខាងក្នុងទាំងស្រុងដោយគិតជាទឹកប្រាក់ខ្ទង់មុឺនដុល្លារ​ ចំពោះករណីអគ្គិភ័យត្រូវបានកម្លាំងជំនាញស្រាវជ្រាវរកឃើញថាដោយសារឆ្លងចរន្តអគ្គិសនី។​ 

អ្វីដែលធ្វើឲ្យមហាជនអ្នកគាំទ្រមានក្តីអាណិតខ្លាំងនោះ គឺអាហារដ្ឋាននេះមិនទាន់បានបើកដំណើរការនៅឡើយតែត្រូវបានអគ្គិភ័យលេបត្របាក់អស់ទាំងស្រុង ដោយកញ្ញាត្រូវជួសជុល​សងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ។

ដោយមើលឃើញពីក្ដីបារម្ភរបស់មហាជន កញ្ញា​ ពេជ្រ ចរណៃ ក៏បានបង្ហោះសំណេរបែបនេះថា៖ «សូមអរគុណបងប្អូនទាំងអស់គ្នា ដែលបារម្មណ៍ពីសុវត្ថិភាពរបស់ខ្ញុំ ក្នុងករណីភ្លើងឆេះ ហាងរបស់ខ្ញុំ នៅមុននេះ! ពេលនេះខ្ញុំមិនមានរងរបួសអ្វីទេ តែហាងឆេះទាំងស្រុងហើយ សូមអរគុណគុនបងប្អូនទាំងអស់គ្នាណាស់»៕ អត្ថបទដោយ៖​ Sun Darasy