ក្រុមជម្រើសជាតិបាល់ទាត់នារីកម្ពុជា កំពុងហ្វឹកហាត់យ៉ាងសកម្ម ដើម្បីត្រៀមខ្លួនសម្រាប់ជំនួបមិត្តភាពជាមួយក្រុមជម្រើសជាតិហ្គាំ នៅថ្ងៃស្អែក ថ្ងៃទី២៥ ខែមិថុនា ឆ្នាំ២០២៥។ លើសពីនេះ ក្រុមជម្រើសជាតិបាល់ទាត់នារីក៏បានត្រៀមខ្លួនរួចជាស្រេចសម្រាប់ព្រឹត្តិការណ៍សំខាន់ AFC Women's Asian Cup Australia 2026 Qualifiers ដែលនឹងចាប់ផ្តើមពីថ្ងៃទី២៩ ខែមិថុនា ដល់ថ្ងៃទី០៥ ខែកក្កដា ឆ្នាំ២០២៥ នៅពហុកីឡដ្ឋានជាតិ (អូឡាំពិក)។

ក្នុងវគ្គជម្រុះពានរង្វាន់បាល់ទាត់នារីប្រចាំទ្វីបអាស៊ីនេះ កម្ពុជានឹងធ្វើជាម្ចាស់ផ្ទះ និងត្រូវប្រកួតជាមួយក្រុមខ្លាំងចំនួន ៣ រួមមាន ហុងកុង ហ្វីលីពីន និងអារ៉ាប៊ីសាអូឌីត។

ការប្រកួតដ៏សំខាន់ទាំងនេះ ទទួលបានការឧបត្ថម្ភគាំទ្រពីក្រុមហ៊ុន វឌ្ឍនៈ ដែលជាក្រុមហ៊ុនផលិតផលស្រាបៀរ និងភេសជ្ជៈដ៏លេចធ្លោខ្លាំង ទទួលស្គាល់លំដាប់អន្តរជាតិ ព្រមទាំងឈ្នះមេដាយមាស និងពានរង្វាន់ពេជ្រច្រើនជាងគេបំផុតនៅកម្ពុជា។ ក្រុមហ៊ុន វឌ្ឍនៈ តែងតែចូលរួមគ្រប់សកម្មភាពកីឡាមិនថាកីឡា ទាំងកីឡាថ្នាក់ក្រោមជាតិ ថ្នាក់ជាតិ និងអន្តរជាតិ។ ជាក់ស្តែង ក្រុមហ៊ុន បាននឹងបន្តឧបត្ថម្ភដល់ការប្រកួតទាំង ៧ លើកនេះ រួមមានទាំងការប្រកួតមិត្តភាព និងការប្រកួតជម្រុះ AFC Women's Asian Cup Australia 2026 Qualifiers ផងដែរ។

តោះ!ចូលរួមគាំទ្រទាំងអស់គ្នា ចូលរួមលើកទឹកចិត្តក្រុមជម្រើសជាតិបាល់ទាត់នារីកម្ពុជា ឱ្យបានច្រើនកុះករ និងស្រែកហ៊ោកញ្ជ្រៀវឱ្យពេញពហុកីឡដ្ឋានជាមួយនឹង ភេសជ្ជៈកីឡា វី-អាកទីវ (V-Active) និងទឹកពិសាប្រណីត វី-អាកទីវ ដែលជួយបំពេញជាតិទឹកក្នុងរាងកាយបានយ៉ាងឆាប់រហ័ស។

គាំទ្រក្រុមជម្រើសជាតិបាល់ទាត់នារីកម្ពុជា ដើម្បីសាងប្រវត្តិសាស្ត្រថ្មី និងឆ្ពោះទៅវគ្គបន្តក្នុងពានរង្វាន់ AFC Women's Asian Cup Australia 2026 Qualifiers នាពេលខាងមុខនេះ៕