កម្ពុជាគ្រោងនឹងរៀបចំព្រឹត្តិការណ៏ នៃការប្រកួតប្រជែងរ៉ូបូតថ្នាក់ជាតិលើកទី១២ ឆ្នាំ២០២៥ ដែលជាការប្រកួតប្រជែងមួយរបស់កីឡាករ កីឡាការនីមកពីគ្រប់ទិសទី ក្នុងការបង្ហាញពីភាពច្នៃប្រឌិតនូវបច្ចេកវិជ្ជាដ៏ទំនើប ក្នុងការបញ្ជារ៉ូបូតលេងកីឡាក្នុងជំនាញផ្សេងៗគ្នា ឆ្ពោះទៅការដណ្តើមពានរង្វាន់ជើងឯករ៉ូបូតថ្នាក់ជាតិលើកទី១២ ឆ្នាំ២០២៥-២០២៦។យ៉ាងណាមិញ គ្រប់សកម្មភាពកីឡា ទាំងការប្រកួតជើងឯករ៉ូបូតថ្នាក់ជាតិលើកទី១២នេះ គេសង្កេតឃើញថា ក្រុមហ៊ុន វឌ្ឍនៈ តែងតែចូលរួមគ្រប់សកម្មភាពកីឡាមិនថាកីឡាក្រោមជាតិ ថ្នាក់ជាតិ និងអន្តរជាតិ ក្នុងនោះផងដែរ ក្រុមហ៊ុន វឌ្ឍនៈ ក៏បានចូលរួមចំណែកឧបត្ថម្ភដល់ការប្រកួតប្រជែងរ៉ូបូតថ្នាក់ជាតិលើកទី១២ ឆ្នាំ២០២៥។ គួបញ្ជាក់ថា ការប្រកួតប្រជែងរ៉ូបូតថ្នាក់ជាតិលើកទី១២ ឆ្នាំ២០២៥ នឹងប្រព្រឹត្តទៅនៅថ្ងៃទី២៩ ខែមិថុនា ឆ្នាំ២០២៥ នៅក្នុងសាលដំរី នាពហុកីឡដ្ឋានជាតិមរតកតេជោ ហើយក៏មានការផ្សាយផ្ទាល់លើកញ្ចក់ទូរទស្សន៍ និងផេកផ្លូវការរបស់អគ្គនាយកដ្ឋានទូរទស្សន៍ជាតិកម្ពុជា ទទក អញ្ជើញទៅចូលរួមទស្សនាដោយសេរីចាប់ពីម៉ោង១សៀលតទៅ៕