Kylian Mbappe តារាឆ្នើមរបស់ក្លឹប Real Madrid បានជួបប្រទះនឹងការផ្លាស់ប្តូរគួរឲ្យកត់សម្គាល់ បន្ទាប់ពីកីឡាកររូបនេះសម្រាក​ព្យាបាល​នៅ​មន្ទីរពេទ្យដោយសារជំងឺរលាកក្រពះធ្ងន់ធ្ងរ។ យោងតាមកាសែត Marca របស់អេស្ប៉ាញ Mbappe បានស្រកប្រហែលពី ៤ ទៅ ៥ គីឡូក្រាមពីទម្ងន់ធម្មតារបស់លោកប្រហែល ៧៥ គីឡូក្រាម។ រូបថត និងវីដេអូដែលបង្ហាញពីខ្សែប្រយុទ្ធ

ខ្សែប្រយុទ្ធសញ្ជាតិបារាំងវ័យ ២៦ ឆ្នាំរូបនេះបានធ្លាក់ខ្លួនឈឺត្រឹមតែប៉ុន្មានម៉ោងបន្ទាប់ពីបានមកដល់ Palm Beach ជាមួយ Real Madrid សម្រាប់ការប្រកួត FIFA Club World Cup ។ លោកត្រូវ​បាន​សម្រាក​ព្យាបាល​នៅ​មន្ទីរពេទ្យ​ក្នុង​ទីក្រុង Miami នៅ​ថ្ងៃ​ទី ១៨ ខែ​មិថុនា ។ លោក​មិន​ទាន់​ត្រលប់​ទៅ​ហ្វឹកហាត់​ជាមួយ​ក្រុម​នៅ​ឡើយ​ទេ។

Kylian Mbappe ខកខានការប្រកួតវគ្គចែកពូលចំនួនពីរលើកដំបូងគឺស្មើ ១-១ ជាមួយ Al Hilal និងឈ្នះ ៣-១ លើ Pachuca ។ គេរំពឹងថាម្ចាស់ជើងឯក World Cup ២០១៨ ក៏នឹងខកខានការប្រកួតវគ្គចែកពូលចុងក្រោយជាមួយ RB Salzburg នៅថ្ងៃទី ២៦ ខែមិថុនា ដើម្បីធានាថា Mbappe ជាសះស្បើយឡើងវិញ៕