ការិយាល័យបង្ការ និងកាត់បន្ថយគ្រោះមហន្តរាយខេត្តឈៀងរ៉ៃ ប្រទេសថៃកាលពីថ្ងៃសុក្រម្សិលមិញនេះ បានណែនាំដល់ប្រជាពលរដ្ឋទូទាំងខេត្តឲ្យប្រុងប្រយ័ត្នចំពោះទឹកជំនន់ដែលអាចកើតមាន ពីការហូរហៀរផ្លូវទឹក និងទឹកជំនន់ ខណៈដែលភ្លៀងបានបន្តវាយប្រហារខេត្តឈៀងរ៉ៃ។

 អភិបាលខេត្តឈៀងរ៉ៃបានគូសបញ្ជាកថា តំបន់នៅតាមដងទន្លេ Ing ថាជាតំបន់ងាយរងគ្រោះបំផុតសម្រាប់ទឹកជំនន់ ដោយសារតែកម្ពស់ទឹកកើនឡើង ហើយបានជំរុញឲ្យប្រជាជនត្រៀមខ្លួនដើម្បីផ្លាស់ទីទៅទីទួលខ្ពស់ជាបណ្តោះអាសន្ន។ ទន្លេ Ingហូរ​ចេញ​ពី​ស្រុក​Phayao(ផាយ៉ាវ) ហើយ​ឆ្លង​កាត់​ស្រុក​ចំនួន​៤ ​រួម​មាន​ស្រុក Phaya Mengrai និង ស្រុក Thoeng ទៅ​ទន្លេ​មេគង្គ។

 យោងតាមការិយាល័យបង្ការ និងកាត់បន្ថយគ្រោះមហន្តរាយខេត្តបានឲ្យដឹងថា ទឹកជំនន់នៅក្នុងស្រុកចំនួនប្រាំគឺ Chiang Rung​​ (ឈៀង រុង), Chiang Saen (ឈៀង សែន), Phaya Mengrai (ផាយ៉ា មេងរ៉ៃ), Thoeng (ធឿង)និង Wieng Chai (វៀង ចៃ)បានប៉ះពាល់ដល់គ្រួសារចំនួន ៤,៤០០ គ្រួសារនិងខូចខាតស្រូវចំនួន ៥០០ រ៉ៃ នេះបើយោងតាមការិយាល័យបង្ការ និងកាត់បន្ថយគ្រោះមហន្តរាយខេត្ត។ ជាមួយគ្នានោះ​ ខេត្តផាយ៉ាម៉េងរ៉ៃ និង ខេត្តវៀង ចៃ ត្រូវ​រង​ការ​វាយ​ប្រហារ​ខ្លាំង​ជាង​គេ៕