អភិបាលខេត្តប៉ៃលិន លោកជំទាវ បាន ស្រីមុំ បានផ្តាំទៅ​លោក​ ប៉ារីនយ៉ា ផុទ្ធិសាត អភិបាល​ខេត្ត​ស្រះកែវ​ថា លោក​មិនបានដឹង​អំពី​ប្រវត្តិស្ពាន​ព្រំ​-​បាន​ប៉ាក់​កាដ​ទេ ពោលគឺស្ពានព្រំ-បានប៉ាក់កាដ កម្ពុជាសាងសង់ដោយសមត្ថភាពខ្លួនឯង មិនត្រូវការជាជំនួយពីថៃឡើយ។  ប្រទេស​កម្ពុជា​មាន​សមត្ថភាព​រួម​ទាំង​ធនធានក្នុង​ការ​សាងសង់​ស្ពាន​នេះ​តាំងពី​២០​ឆ្នាំ​មុន​មក​ដោយ​គ្មាន​ជំនួយ​ពី​ថៃទេ។ ទោះបីជាយ៉ាងណាក៏ដោយ ដោយសារប្រទេសថៃបានសន្យា និងស្នើសុំសាងសង់ យើងបានពន្យារពេលការសាងសង់ជាយូរណាស់មកហើយ ដោយសារតែស្ថានការណ៍នយោបាយក្នុងប្រទេសអ្នកប្រែប្រួលឥតឈប់ឈរ។

ជាមួយគ្នានេះ លោកជំទាវ បាន ស្រីមុំ បានបញ្ជាក់ថា «កម្ពុជាតែងតែយោគយល់ និងគិតពីមិត្តភាព និងភាពជាអ្នកជិតខាង។ គម្រោងនេះមិនមែនជាសកម្មភាពនៃជំនួយមនុស្សធម៌ទេ។ អ្នកស្នើសុំធ្វើគម្រោងនេះ យើងមិនបានស្នើសុំជំនួយរបស់អ្នកទេ។ ជាថ្មីម្តងទៀត យើងមានធនធានគ្រប់គ្រាន់ដើម្បីសាងសង់ស្ពាននេះ»។

ជាចុងក្រោយលោកជំទាវ ក៏បានជូនពរអភិបាល​ខេត្ត​ស្រះកែវ ឲ្យជោគជ័យគ្រប់បេសកកម្ម និងទទួលបានស្នាដៃក្នុងជិវិតការងាររបស់អ្នកចុងក្រោយមុននឹងចូលនិវត្តន៍ផងដែរ៕