វត្តដំណាក់ ស្ថិតនៅក្នុងសង្កាត់សាលាកំរើក ក្រុងសៀមរាប ខេត្តសៀមរាប បានរៀបចំបំបួសកុលបុត្រចំនួន ៣៦រូប ជា ភិក្ខុភាវៈ តាមទំនៀមរបស់វត្តដែលតែងតែប្រារព្ធអស់កាល៥ ឬ ៦ឆ្នាំជាប់ៗគ្នាមកហើយ ដើម្បីទ្រទ្រង់ពុទ្ធសាសនាឱ្យបានស្ថិតស្ថេរចិរកាលទៅមុខ និងដើម្បីភាពរីកចម្រើននៃពុទ្ធសាសនាកម្ពុជា ខណៈពិធីនេះបានប្រារព្ធធ្វើឡើងនាព្រឹកថ្ងៃទី២៩ ខែមិថុនា ឆ្នាំ២០២៥។ នេះបើយោងតាម AKP NEWS។

ប្រយោជន៍នៃការបំពេញឧបសម្បទានេះ ទី១) បានតម្លើងឋានៈរបស់ខ្លួនពីកម្រិតទាបទៅកាន់កម្រិតខ្ពស់មួយក្នុងពុទ្ធសាសនា ទី២) បានជួយបន្តទ្រទ្រង់ពុទ្ធសាសនាតាមរយៈភេទជាអ្នកទ្រទ្រង់ត្រៃចីវរ (អ្នកបួស) ទី៣) បានបន្តចម្រើននិស្ស័យជាអ្នកបួស ពោលគឺបានបន្តបំពេញនេក្ខម្មបារមីបន្តទៀត ទី៤) នឹងបានជាសម្មតិសង្ឃស្រែបុណ្យសម្រាប់ពុទ្ធបរិស័ទបំពេញបុណ្យកុសល រក្សាសីល និងចម្រើនមេត្តាភាវនាជាដើម។ 

បន្ថែមពីនេះទៅទៀត គឺដើម្បីបានឱកាសបន្តការសិក្សារៀនសូត្រវិជ្ជាផ្សេងៗទាំងពុទ្ធចក្រ និងអាណាចក្រឱ្យបានកាន់តែទៅលំទូលាយ៕