កុមារា ឆលី ដែលមានជម្ងឺដុំសាច់មហារីកក្នុងខួរក្បាលធ្ងន់ធ្ងរ ពេលនេះកុមារតូចរូបនេះហាក់មានសង្ឃឹមឡើងវិញ ខណៈបានបញ្ជូនទៅព្យាបាលនៅឯប្រទេសម៉ាឡេស៊ី ដោយមានវេជ្ជបណ្ឌិតជំនាញ ព្រមការព្យាបាលបែបទំនើប ទើបមួយរយៈពេលចុងក្រោយនេះ ឆលី ហាក់មានមុខស្រស់បោះ និងមានសាច់ជាងមុន។

នេះបើយោងតាមការបង្ហោះរបស់ ប៉ាឆលី បានរៀបរាប់បែបនេះថា៖ «ដំណឹងដ៏រំភេីប ដុកទ័របានធ្វើតេសបូមឈាមតាំងពីថ្ងៃទី៣០ចុងខែ៦របស់ឆលីថាឈាមអូនគឺអាចបញ្ចូលកោសិកា Natural Killer cell បានហើយ​ មួយរយៈនេះអូនឃ្លានណាស់សុំញុំារហូតដុកទ័រក៏បានប្រាប់ដែរថាឆលីគឺវិវត្ត៍សេរីរាងឡើងវិញ​ ដូច្នេះហើយធ្វើឱ្យឆលីឃ្លានខ្លាំងជាងមុន សង្ឃឹមថាកូនមានសុខភាពល្អនិងយកឈ្នះជំងឺកាចសាហាវមួយនេះ​ អ៊ំពូមីងមេីលមុខអូនលូវម៉ាប់ៗខ្លះៗហេីយ»។

ក្រោយពីបានឃើញបែបនេះហើយបណ្ដាអ្នកលេងបណ្ដាញសង្គម និងសប្បុរសជនដែលបានជួយពិតជារំភើប ព្រមទាំងជូនពរដល់កុមារាឆលីឆាប់ជាសះស្បើយវិញផងដែរ៕ អត្ថបទដោយ៖ Sun Darasy