ក្រុមហ៊ុន Dongbaishan Holding Group Co., Ltd. and its subsidiaries បោះទុនវិនិយោគប្រមាណ ៥០០លានដុល្លាសហរដ្ឋអាមេរិក ដើម្បីសាងសង់រោងចក្រផលិតថាមពលពន្លឺព្រះអាទិត្យ(សឡា)នៅក្នុងខេត្តកំពង់ស្ពឺ ដែលនិងចាប់ផ្តើមនៅកំឡុងពាក់កណ្តាលខែកក្កដា ឆ្នាំ២០២៥នេះ លើផ្ទៃដីប្រមាណជិត៦០០ហិកតា។នេះបើតាមអត្ថន័យក្នុងការលើកឡើងរវាង ឯកឧត្តម ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងអ្នកវិនិយោគជនជាតិចិន លោក Si Juchen តំណាងក្រុមហ៊ុន Dongbaishan Holding Group Co., Ltd. and its subsidiaries។

លោក Si Juchen បានឲ្យដឹងថា «នៅពេលដែលរោងចក្រចាប់ដំណើរការ និងអាចផ្តល់ឱកាសការងារដល់ប្រជាពលរដ្ឋក្នុងខេត្តនេះ ក្នុងរង្វង់ពី ១៥០០នាក់ ទៅ៣០០០នាក់»។

ក្នុងជំនួបនោះ អភិបាលខេត្តកំពង់ស្ពឺ ឯកឧត្តម ជាម ច័ន្ទសោភ័ណ បានបង្ហាញពីការគ្រាំទ្រយ៉ាងពេញទុះហឹងចំពោះការវិនិយោគលើផ្នែកថាមពលកកើតឡើងវិញតែមួយគត់នៅក្នុងខេត្តកំពង់ស្ពឺ និងបានសន្យាផ្តល់ការគាំទ្រ សម្របសម្រួលគ្រប់បែបយ៉ាងចំពោះផ្នែកច្បាប់និងនីតិវិធីផ្សេងៗដើម្បីឱ្យដំណើរការនៃរោងចក្រនេះប្រព្រឹត្តិបានរលូន។

គួរបញ្ជាក់ផងដែរថា បច្ចុប្បន្នខេត្តកំពង់ស្ពឺមានរោងចក្រ សហគ្រាសប្រមាណ២៤៤២រោងចក្រ សហគ្រាស ក្នុងនោះមានអ្នកវិនិយោគប្រមាណជាង៩០%ជាជនជាតិចិនផងដែរ៕