ប៉ូលិសទីក្រុងហូជីមិញ បានរកឃើញត្រយ៉ូងចេកដែលគេហាន់រួចរាប់រយគីឡូក្រាមត្រាំក្នុងសារធាតុ borax និងសារធាតុ bleaching ដែលជាសារធាតុ​គីមី​ធ្វើ​ឱ្យ​បន្លែទាំងនេះនៅស្រស់ ​មាន​ពណ៌​ស ​ស្រួយ និង​រក្សាទុកបាន​យូរ។

កាលពីថ្ងៃអាទិត្យ ប៉ូលិសបាន​រឹបអូស​បាន​ម្សៅ​ក្រាម​ពណ៌​ស​ជាង ១១៥ គីឡូក្រាម និង​ម្សៅ​ក្រាម​​គីមី​រាប់សិប​គីឡូក្រាមនៅទីតាំងធំៗចំនួនបី ដែលត្រៀមលក់នៅលើទីផ្សារពាសពេញទីក្រុងហូជីមិញ។​ ប៉ូលិស​បាន​ឆ្មក់​ចូល​ក្នុង​ពេល​ដំណាល​គ្នា​នឹង​កន្លែង​ទាំង​បី ហើយ​បាន​រក​ឃើញត្រយ៉ូងចេកហាន់រួច​ជាច្រើន​​ដែល​ត្រាំ​ក្នុង​ធុង​ប្លា​ស្ទិ​ក​ចំណុះ ២០០ លីត្រ​ដែល​លាយជាមួយសារធាតុគីមី​ពណ៌​ស​។ អាជីវកម្ម​នេះ​មិន​បាន​ចុះ​បញ្ជី​ទេ ហើយក៏​មិន​មាន​លិខិត​បញ្ជាក់​សុវត្ថិភាព​អាហារ​ដែរ។

គួរបញ្ជាក់ផងដែរថា នៅប្រទេសវៀតណាមការប្រើប្រាស់សារធាតុ borax ត្រូវបានហាមឃាត់ក្នុងការផលិត និងកែច្នៃអាហារ ដោយសារវាជាសារធាតុគីមីពុលដែលអាចប៉ះពាល់ដល់សុខភាពរយៈពេលវែង និងអាចនាំឱ្យថយចុះការយល់ដឹង។ លើសពីកម្រិតដែលអនុញ្ញាត សូដ្យូមមេតាប៊ីស៊ុលហ្វីតអាចបណ្តាលឱ្យមានរោគសញ្ញាចាប់ពីកម្រិតស្រាល (ឈឺពោះ រាគ ប្រតិកម្មអាលែហ្សី) រហូតដល់ធ្ងន់ធ្ងរ ដូចជាពិបាកដកដង្ហើម ហៀរសំបោរ ខូចថ្លើម និងតម្រងនោម និងរហូតដល់ស្លាប់៕