ប៉ូលិសបានធ្វើការសន្និដ្ឋានថា Diogo Jota ដែលជាខ្សែប្រយុទ្ធរបស់ Liverpool និងព័រទុយហ្គាល់ ប្រហែលជាបានបើកបរលើសល្បឿនកំណត់ដែលនាំឲ្យមានគ្រោះថ្នាក់ចរាចរណ៍ដ៏ធ្ងន់ធ្ងរបានឆក់យកជីវិតលោក និងបងប្រុសកាលពីសប្តាហ៍មុន។

ការស៊ើបអង្កេតលើមូលហេតុនៃឧប្បត្តិហេតុនេះនៅតែដំណើរការ ប៉ុន្តែកាសែត Guardia Civil របស់ប្រទេសអេស្ប៉ាញបានរាយការណ៍ដំបូងថា រថយន្តបានធ្វើដំណើរលើសល្បឿនកំណត់ ១២០ គីឡូម៉ែត្រក្នុងមួយម៉ោង ដែលនាំឥឲ្យសំបកកង់ផ្ទុះ។ ការ​សន្និដ្ឋាន​នេះ​បាន​ធ្វើ​ឡើង​បន្ទាប់​ពី​ធ្វើ​ការ​វិភាគ​លើ​ស្លាក​ស្នាម​សំបក​កង់​នៅ​កន្លែង​កើតហេតុ ។ កាសែត Guardia Civil ក៏បានបញ្ជាក់ផងដែរថា Jota ទំនងជាអ្នកបើកបររថយន្ត Lamborghini នៅពេលជួបគ្រោះថ្នាក់។ នៅពេលដែលការស៊ើបអង្កេតត្រូវបានបញ្ចប់ របាយការណ៍នេះនឹងត្រូវបញ្ជូនទៅតុលាការ Puebla de Sanabria ក្នុងទីក្រុង Zamora ។

គួរបញ្ជាក់ផងដែរថា ឧបទ្ទវហេតុនេះបានកើតឡើងនៅព្រឹកថ្ងៃទី ៣ខែកក្កដានៅលើផ្លូវ A52 ចម្ងាយប្រហែល ១១០ គីឡូម៉ែត្រខាងលិចទីក្រុង Valladolid ប្រទេសអេស្ប៉ាញ។ តាមសេចក្តីរាយការណ៍ Jota ដែលជាអ្នកបើកបររថយន្ត Lamborghini Huracan បានព្យាយាមជែងរថយន្តមួយផ្សេងទៀត ហើយសំបកកង់រថយន្តបានផ្ទុះ ក្រឡាប់ជាច្រើនជុំ និងឆាបឆេះតែម្តង៕