គ្រូបង្រៀនវិទ្យាល័យម្នាក់ដែលមានអាយុ ៣១ ឆ្នាំម្នាក់ត្រូវបានអាជ្ញាធរកូរ៉េខាងត្បូង​ឃុំខ្លួនជាផ្លូវការកាលពីថ្ងៃច័ន្ទ ទី ១៤ ខែកក្កដា ពីបទឃុបឃិតជាមួយឪពុកម្តាយរបស់សិស្សដើម្បីលួចចូលក្នុងសាលា និងលួចឯកសារប្រលងចុងក្រោយ។ ពួកគេបានលួចចូលនៅម៉ោង ១៖២០ ម៉ោងក្នុងស្រុក ថ្ងៃទី ៤ ខែកក្កដា នៅសាលារៀនមួយក្នុងទីក្រុង Andong ចម្ងាយប្រហែល ២៧០ គីឡូម៉ែត្រ ភាគខាងត្បូងនៃរដ្ឋធានីសេអ៊ូល ប៉ុន្តែត្រូវបានបរាជ័យនៅពេលដែលសំឡេងរោទិ៍សុវត្ថិភាពរបស់សាលាបានរលត់បង្កឱ្យមានការភ្ញាក់ផ្អើល និងឈានទៅដល់ការចាប់ខ្លួន។

ប៉ូលិស​ប៉ុស្តិ៍ Andong ​បាន​រក​ឃើញ​ថា កូន​របស់​ឪពុក​ម្តាយ​ដែល​ឃុបឃិត​ជាមួយ​ជនសង្ស័យ គឺជា​សិស្ស​កំពូល​របស់​សាលា​តាំងពី​ចូល​រៀន​នៅ​វិទ្យាល័យ។ គេមិនទាន់ដឹងច្បាស់ថា តើសមិទ្ធិផលពីមុនរបស់សិស្សជាប់ពាក់ព័ន្ធនឹងបទឧក្រិដ្ឋ ឬយ៉ាងណានោះទេ។ ប៉ូលិសបានរកឃើញភស្តុតាងនៃប្រតិបត្តិការហិរញ្ញវត្ថុរវាងឪពុកម្តាយនិងគ្រូ ហើយកំពុងធ្វើការស៊ើបអង្កេតបន្ថែមលើករណីនេះ។

គួរបញ្ជាក់ផងដែរថា ប្រទេសនេះត្រូវបានគេស្គាល់ថាសង្កត់ធ្ងន់យ៉ាងខ្លាំងទៅលើសមិទ្ធិផលសិក្សា ជាមួយនឹងការប្រឡងចូលមហាវិទ្យាល័យប្រចាំឆ្នាំរបស់ខ្លួន ដោយក្នុងអំឡុងពេលនៃការធ្វើតេស្តស្តាប់ភាសាអង់គ្លេសការហោះហើរ និងការចុះចតយន្តហោះត្រូវបានបញ្ឈប់ជាបណ្តោះអាសន្ន ដើម្បីកុំឱ្យសំឡេងរំខានពីយន្តហោះ មិនរំខានដល់សិស្សដែលកំពុងធ្វើតេស្ត៕