យោងតាមអាជ្ញាធរអាកាសធាតុកូរ៉េខាងត្បូងនៅថ្ងៃព្រហស្បតិ៍នេះបានឲ្យដឹងថា ភ្លៀងធ្លាក់ខ្លាំងបានវាយលុកតំបន់ខ្លះនៅខេត្ត Chungcheong ភាគខាងត្បូង និងខាងជើង ដែលបណ្តាលឱ្យមានទឹកជំនន់រីករាលដាល និងការជម្លៀសអ្នកស្រុក ជាមួយនឹងការព្រមានអំពីភ្លៀងធ្លាក់បន្ថែមទៀតនៅក្នុងប៉ុន្មានថ្ងៃខាងមុខនេះ។

ដោយសារភ្លៀងធ្លាក់ខ្លាំងបានបង្ហាញពីសញ្ញានៃការរំកិលទៅភាគខាងជើង អាជ្ញាធរឆ្លើយតបគ្រោះមហន្តរាយរបស់រដ្ឋាភិបាលបានដាក់ខេត្ត Chungcheong និងផ្នែកខាងត្បូងនៃខេត្ត Gyeonggi ស្ថិតក្នុងកម្រិតប្រកាសអាសន្នខ្ពស់បំផុតទីពីរ។

ចាប់តាំងពីល្ងាចថ្ងៃពុធ ភ្លៀងធ្លាក់ដល់ទៅ ៣៤៤ មីលីម៉ែត្រនៅក្នុងទីក្រុង Seosan ខេត្ត Chungcheong ភាគខាងត្បូង ដែលជាតំបន់រងគ្រោះខ្លាំងជាងគេ នេះបើយោងតាមមន្ត្រីអាកាសធាតុ។នៅតំបន់ផ្សេងទៀតក្នុងខេត្ត រួមទាំង Yesan និង Dangjin ការកើនឡើងទឹកជំនន់បានជំរុញឱ្យប្រជាជនជម្លៀសចេញ។ ជាមួយគ្នានេះ ភ្លៀង​ធ្លាក់​បន្ថែម​ទៀត​ត្រូវ​បាន​គេ​រំពឹង​ថា​នឹង​វាយ​ប្រហារ​ប្រទេសនេះ​រហូត​ដល់​ថ្ងៃ​សៅរ៍៕