តម្លៃអង្ករនៅក្នុងប្រទេសជប៉ុនបានកើនឡើង ៩៩,២ ភាគរយនៅក្នុងខែមិថុនាពីមួយឆ្នាំទៅមួយឆ្នាំ ទិន្នន័យផ្លូវការបានបង្ហាញនៅថ្ងៃសុក្រ ដែលជាសម្ពាធបន្ថែមទៀតលើនាយករដ្ឋមន្ត្រីលោក Shigeru Ishiba នៅមុនការបោះឆ្នោតនៅចុងសប្តាហ៍នេះ។

ទិន្នន័យពីក្រសួងកិច្ចការផ្ទៃក្នុងបានបង្ហាញថា តម្លៃ​គ្រាប់​ធញ្ញជាតិ​បាន​ឡើង​ថ្លៃ ១០១ ភាគរយ​រួច​ទៅ​ហើយ​ក្នុង​ខែ​ឧសភា ដោយ​បាន​កើន​ឡើង ៩៨,៤ ភាគរយ​ក្នុង​ខែ​មេសា និង​ច្រើន​ជាង ៩២,៥ ភាគរយ​ក្នុង​ខែ​មីនា។ សរុបមក អត្រាអតិផរណាស្នូលរបស់ប្រទេសជប៉ុនបានធ្លាក់ចុះមកនៅត្រឹម ៣,៣ភាគរយក្នុងខែមិថុនា ពី ៣,៧ភាគរយនៅក្នុងខែឧសភា ។

ការគាំទ្ររបស់សាធារណៈជនសម្រាប់រដ្ឋបាលរបស់លោក Ishiba បានធ្លាក់ចុះដល់កម្រិតទាបបំផុតចាប់តាំងពីលោកបានចូលកាន់តំណែងក្នុងខែតុលា ដែលមូលហេតុចម្បងនៃការធ្លាក់ចុះនេះគឺដោយសារតែប្រជាជនជាច្រើនមិនសប្បាយចិត្តចំពោះតម្លៃក្នុងការរស់នៅ ដោយសារតែការកើនឡើងតម្លៃសម្រាប់របស់របរដូចជាអាហារ លំនៅដ្ឋាន ឬឧបករណ៍ប្រើប្រាស់ជាដើម។ ការស្ទង់មតិនៅមុនការបោះឆ្នោតនៅថ្ងៃអាទិត្យនេះ បង្ហាញថា ក្រុមចម្រុះកំពុងកាន់អំណាចអាចបាត់បង់សំឡេងភាគច្រើននៅក្នុងសភាជាន់ខ្ពស់ ដែលនេះអាចបង្ខំឱ្យលោក Ishiba លាលែងពីតំណែង បន្ទាប់ពីកាន់តំណែងតិចជាងមួយឆ្នាំ៕