ស្មៅម្រុម ឈ្មោះជាស្មៅមែន តែអនុភាពខាងកែរោគមិនតិចមុខទេ

ព្យាបាលជំងឺ៖ រាក មួល ទម្លាក់ព្រូន របួស ឈឺក្បាល គ្រុនក្តៅ ក្អក ផ្តាសាយ ឈឺបំពង់ក រលាកក្រអូបមាត់ ឈឺធ្មេញ ស្ពឹកហើម រលាកតម្រងនោមរ៉ាំរ៉ៃ សម្ពាធឈាមឡើង បូស រលួយស្បែកមានខ្ទុះ។
ប្រភេទរុក្ខជាតិ៖ ស្មៅម្រុម។

លក្ខណៈរុក្ខជាតិ៖ តិណជាតិដើមត្រង់រឹង មានកំពស់ដល់២ម។ បែកមែកច្រើនមានរោមច្រើន ឬតិច។

ស្លឹក ៖ ទោលឆ្លាស់ទងរាងទ្រវែង ស្រួចចុង ស្ទើរគ្មានទង ប្រវែង៣-៧សម ទំហំ០.៨-២សម។ លើផ្ទៃស្លឹកមានរោមទន់ខ្លី។

ផ្កា ៖ ផ្កាធំពណ៌លឿង ជាផ្កាទោលមាន៤-៦ត្របក។

ផ្លែ ៖ ផ្លែវែងមានចង្អូរ មានជ្រុង ប្រវែង២.៥-៥សម ខាងចុងផ្លែមានស្លាប៤ មានគ្រាប់តូចៗច្រើន
កន្លែងដាំដុះ ៖ ដុះនៅតាមមាត់ទឹក មាត់បឹង វាលស្រែ។ល។

ផ្នែកប្រើប្រាស់៖ រុក្ខជាតិទាំងមូល។
សមាសធាតុគីមី៖ មានសារជាតិ Linolenic acid និងអាស៊ីតខ្លាញ់ ដែលមាននៅក្នុងគ្រាប់។

វិធីធ្វើ និងវិធីប្រើប្រាស់៖ ស្ងួត ១៥-៣០ក្រាម ដាំទឹកផឹក ក្នុង១ថ្ងៃ។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។