តារាសម្តែងចាស់វស្សាមិនចេះរីងស្ងួតមានទេពកោសល្យសម្តែងបានគ្រប់ទម្រង់ អ្នកនាង ស្វែង សុជាតា ពេលនេះមានផលិតករក្រៅស្រុកជាច្រើនកំពុងចាប់អារម្មណ៍លើសមត្ថភាពសម្តែងរបស់អ្នកនាង។

យ៉ាងណាមិញទោះបីជា អ្នកនាង ស្វែង សុជាតា ជាតារាចាស់វស្សាក៏ដោយក៏អ្នកនាងមានទីផ្សារខ្ពស់មិនថាផលិតករនៅក្នុងស្រុកឬក៏នៅក្រៅស្រុកទេពិតជាចាប់អារម្មណ៏ខ្លាំងចំពោះការសម្តែងរបស់អ្នកនាងក្នុងពេលបច្ចុប្បន្ននេះ។ មិនថាការសម្តែងបែបណាទេអ្នកនាងអាចសម្តែងបានទាំងអស់ដូចជា៖ កម្សត់,ឈ្នានីស,កំប្លែង និងទម្រង់ផ្សេងៗជាច្រើន។

ជាក់ស្តែងថ្មីៗនេះអ្នកនាង ស្វែង សុជាតា មានផលិតករនៅហុងកុងទាក់ទងឲ្យសម្តែងរឿងជាមួយតួល្បីនៅហុងកុងគឺស្តេចល្បែងកំប្លែង។ អ្នកនាងបាននិយាយថាការសម្តែងជាមួយផលិតករក្រៅស្រុកមានការពិបាកបន្តិចបន្តួចព្រោះថាគេតម្រូវអោយអ្នកនាងធ្វើអារម្មណ៍ឲ្យដូចសាច់រឿងមែនទែនមានពេលខ្លះអ្នកនាងត្រូវអត់បានបាយដើម្បីឲ្យមុខរបស់អ្នកនាងស្គមដូចទៅនឹងសាច់រឿង។តែទោះជាយ៉ាងណាអ្នកនាងអាចធ្វើបានតាមផលិតករតម្រូវអោយអ្នកនាងធ្វើ ពេលនេះអ្នកនាងអាចមានទីផ្សារជាមួយផលិតករក្រៅស្រុកយ៉ាងគួរសម៕

អត្ថបទដោយ៖ ឃុន យ៉ា