សម្តេចតេជោ អំពាវនាវឲ្យពលរដ្ឋជិះរថយន្ដក្រុងអត់គិតលុយរបស់រដ្ឋបាលរាជធានីភ្នំពេញ

សម្តេចតេជោ នាយករដ្ឋមន្រ្តី នៃព្រះរាជាណាចក្រកម្ពុជា តាមរយៈបណ្តាញសង្គមផ្ទាល់របស់សម្តេច បានស្នើដល់បងប្អូនប្រជាពលរដ្ឋ ក៏ដូចជាក្មួយៗកម្មករ កម្មការិនី ជិះរថយន្ដក្រុងសាលារាជធានី ដែលផ្តល់សុវត្ថិភាព ក្នុងការធ្វើដំណើរផង និងបានសន្សំប្រាក់កាសថ្លៃឈ្នួលឡានផង។

សម្តេចបញ្ជាក់ថា ថ្ងៃទី១៨ មេសា នេះ គឺជាថ្ងៃចុងក្រោយ ដែលបងប្អូនប្រជាពលរដ្ឋ និងកូនក្មួយកម្មករ កម្មការិនីអាចធ្វើដំណើរតាមឡានក្រុងរបស់សាលារាជធានីភ្នំពេញដោយមិនគិតថ្លៃ។ សូមធ្វើដំណើរបានសុខសប្បាយតាមផ្លូវទាំងអស់គ្នា។

ជាមួយគ្នាសម្តេចក៏ស្នើដល់តៃកុងឡាន ក៏ដូចជាអ្នកបេីកបរទូទៅ ត្រូវតែគោរពច្បាប់ កុំបង្ខំបើកលឿនប្រជែងយកឈ្នះដោយសារការប្រញាប់ ជាពិសេសក្នុងថ្ងៃដែលមានអ្នកធ្វើដំណើរច្រើន និងនៅលើផ្លូវកោង លើស្ពាន និងនៅទីប្រជុំជនដែលមានមនុស្សអ៊ូអរច្រើន៕ ST

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។