ខេត្តកណ្តាល៖ បុរសម្នាក់បានស្លាប់ខណៈដឹកគោចូលក្រោល និងផ្ទះមួយខ្នងរងការបំផ្លាញដោយសារគ្រោះធម្មជាតិ ភ្លៀងផ្គររន្ទះលាយលំនិងខ្យល់កន្រ្តាក់ កាលពីវេលាម៉ោងជិត៣រសៀល ថ្ងៃទី២ ខែឧសភា ឆ្នាំ២០១៩ នៅក្នុងភូមិបឹងក្អែក ឃុំព្រែករការ ស្រុកកណ្តាលស្ទឹង ខេត្តកណ្តាល។

នគរបាលបានឲ្យដឹងថា ជនរងគ្រោះឈ្មោះ សឹម សើ ភេទប្រុស អាយុ៧០ឆ្នាំ មានមុខរបរជាកសិក រស់នៅក្នុងភូមិឃុំកើតហេតុខាងលើ មុនពេលកើតហេតុខណៈមានភ្លៀងធ្លាក់មកលាយឡំខ្យល់កន្ត្រាក់ រួមនិងស្នូរផ្គររន្ទះ ផងនោះលោកតា រងគ្រោះបានចេញពីផ្ទះទៅដឹកសត្វគោចូលក្រោលខណៈនោះក៏ត្រូវរន្ទះបាញ់បណ្តាលឲ្យស្លាប់ភ្លាមៗនៅនិងកន្លែងកើតហេតុតែម្តង។ ចំណែកឯផ្ទះប្រជាពលរដ្ឋ១ខ្នងក្បែរនោះក៏ត្រូវបានខ្យល់កន្ត្រាក់បំផ្លាញខ្ទេចអស់គ្មានសល់ផងដែរ៕

យឺត ភារ៉ា