ណាសា៖អង្គការអវកាសណាសាបានប្រកាស ផែនការដើម្បីអនុញ្ញាតឲ្យភ្ញៀវទេសចរហោះហើរ នៅស្ថានីយអវកាស អន្តរជាតិ ចាប់ផ្តើមនៅឆ្នាំក្រោយ សម្រាប់បេសកកម្មអវកាសយានិកឯកជនចំនួន២នឹងត្រូវ បានអនុញ្ញាតក្នុងមួយឆ្នាំដែលមានរយៈពេល៣០ថ្ងៃយ៉ាងយូរ នេះបើយោងតាមការចេញផ្សាយ ពីគេហទំព័រឌៀលីម៉ែល។

ប៉ុន្តែការធ្វើដំណើរទៅកាន់ទីអវកាស មិនមានតម្លៃថោកទេ ដោយមានប្រព័ន្ធទ្រទ្រង់ជីវិត និងការផ្គត់ផ្គង់ចាំបាច់នោះ វានឹងត្រូវចំណាយទឹកប្រាក់ចំនួន៣៥,០០០ ដុល្លារក្នុងមួយយប់។ ការប្រកាសនេះធ្វើឡើង នៅពេលណាសាបានបង្ហាញពីគំរូអាជីវកម្មថ្មីរបស់ខ្លួន អំពីផែនការដើម្បីបញ្ចូលឱកាសពាណិជ្ជកម្ម និងទីផ្សារបន្ថែមទៀតទាំងនៅក្នុងគន្លងផែនដីទាប និងនៅជុំវិញព្រះចន្ទ។

លោក Jeff DeWitt ប្រធានផ្នែកហិរញ្ញវត្ថុរបស់ណាសាបានថ្លែងក្នុងសន្និសីទកាសែតមួយថា ថ្ងៃនេះគឺជាថ្ងៃគួរឲ្យកត់សម្គាល់ ។ NASA កំពុងបើកស្ថានីយ៍អវកាសអន្ដរជាតិដើម្បីឱកាសពាណិជ្ជកម្ម និងទីផ្សារឱកាសទាំងនេះដែលយើងមិនធ្លាប់បានធ្វើពីមុនមក។

លោក DeWitt បានបន្ថែមថា នេះគឺជាការកសាងឡើងនូវយាន អវកាសពាណិជ្ជកម្មរបស់យើង ដែលនឹងដឹកអ្នកអវកាសយានិកដែលនឹង ត្រូវប្រើប្រាស់ដោយអវកាសយានិករដ្ឋាភិបាល និងឯកជន។ NASA បាននិយាយថា បេសកកម្មទេសចរណ៍អវកាសខ្លីៗទាំងនេះនឹងត្រូវបានផ្តល់មូលនិធិ ដោយឯកជន និងអាចចាប់ផ្តើមនៅដើមឆ្នាំ២០២០។

ក្រុមហ៊ុនអវកាសណាសា បានទាញយក Boeing និង SpaceX រួចហើយដើម្បីអភិវឌ្ឍម៉ូឌុលនាវិកសម្រាប់កម្មវិធីពាណិជ្ជកម្មរបស់ខ្លួន។

យានអវកាសទាំង២បាននឹងកំពុងធ្វើការ អស់រយៈពេលជាច្រើនខែដើម្បីធ្វើឱ្យយានអវកាស របស់ពួកគេរួចរាល់មុនការធ្វើតេស្តដែល បានគ្រោងទុកនៅឆ្នាំនេះ ទោះបីជាទាំង២នាក់នេះត្រូវបានទទួលរងនូវការ ថយចុះនៅទូទាំងដំណើរការក៏ដោយ៕