ភ្នំពេញ ៖ ស្ថានទូតសហរដ្ឋអាមេរិក ប្រចាំកម្ពុជា នៅព្រឹកថ្ងៃទី១៩ ខែមិថុនា ឆ្នាំ២០១៩នេះ បានស្នើឲ្យប្រជាពលរដ្ឋខ្មែរ ត្រូវប្រុងប្រយ័ត្នជំងឺគ្រុនឈាម ខណៈជំងឺនេះ អាចឈានទៅដល់កម្រិតរាលដាល។

ទូតអាមេរិកបានបន្តថា “មន្រ្តីក្រសួងសុខាភិបាលបានរាយការណ៍ថា មានករណីជំងឺគ្រុនឈាមដ៏ច្រើន នៅកម្ពុជាក្នុងឆ្នាំនេះ។ គេមានកង្វល់ថា ជំងឺនេះអាចឈានដល់កម្រិតរាលដាល។ សូមប្រយ័ត្ន ត្រូវការពារខ្លួនអ្នកកុំអោយមូសខាំ” ។

សូមបញ្ជាក់ថា បើតាមសេចក្តីរាយការណ៍ពីលោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បច្ចុប្បន្នជំងឺគ្រុនឈាម កំពុងតែផ្ទុះឡើងនៅទូទាំងខេត្តខណៈមានកុមារចំនួន ១០៨នាក់ កំពុងសម្រាកព្យាបាលនៅមន្ទីរពេទ្យ ៕