យោងតាមក្រុមហ៊ុនដេញថ្លៃ Sotheby's ស្បែកជើងម៉ាក "Moon Shoe" ដ៏កម្រមួយគូរបស់ ​Nike បានបំបែកឯតទគ្គកម្មដេញថ្លៃលើពិភពលោកសម្រាប់ស្បែកជើងប៉ាត់តាមួយគូនេះ។

អ្នកដើរប្រមូល លោក Miles Nadal បានទិញស្បែកជើងមួយគូរនេះកាលពីថ្ងៃអង្គារក្នុងតម្លៃដេញថ្លៃ ៤៣៧.៥០០ ដុល្លារ។ Nadal គ្រោងដាក់បង្ហាញស្បែកជើងប៉ាត់តានេះនៅសារមន្ទីរឯកជនរបស់គាត់ Dream Automobile Museum ក្នុងទីក្រុង Toronto ប្រទេសកាណាដា។

ដើមឡើយគេដេញថ្លៃស្បែកជើងនេះក្នុងតម្លៃ ១៩០.៣៧៣ ដុល្លារក្នុងឆ្នាំ ២០១៧ ដែលស្បែកជើងនេះត្រូវបានលោក Michael Jordan ពាក់វានៅឆ្នាំ ១៩៨៤ ក្នុងព្រឹត្តិការណ៍វគ្គផ្ដាច់ព្រ័ត្របាល់បោះអូឡាំពិក។

ស្បែកជើងនេះត្រូវបានរចនាឡើងដោយសហស្ថាបនិកក្រុមហ៊ុន Nike ឈ្មោះ Bill Bowerman សម្រាប់ព្រឹត្តិការណ៍អូឡាំពិកឆ្នាំ ១៩៧២។ ហើយវា គឺជាស្បែកជើងមួយគូក្នុងឆ្នាំ ១២ គូដែលត្រូវបានផលិត៕