Zidane ថ្លែងទាំងឈឺចិត្តក្រោយចាញ់ Atletico Madrid ៧-៣

#កីឡា# #Zidane# #Atletico Madrid# #បាល់ទាត់អន្តរជាតិ#

Zinedine Zidane ឈឺចិត្តខ្លាំងប៉ុន្តែ "ជឿថា" ពួកគេអាចនឹងលេងបានយ៉ាងល្អខ្លាំង ក្រោយចាញ់ក្រុមនៅទីក្រុងមាឌ្រីដរួមគ្នាយ៉ាងធ្ងន់ធ្ងរ ៧-៣ នៅកីឡដ្ឋាន MetLife Stadium ទឹកដីសហរដ្ឋអាមេរិកជាការប្រកួតមិត្តភាពមុនបើករដូវកាល។

Real Madrid បានរបូតគ្រាប់បាល់ ០-៥ ត្រឹមតង់ទី១ នៅពេលដែល Diego Costa រកបាន៤គ្រាប់ពីការប្រកួត។ក្រោយចប់ការប្រកួត Zidane បានប្រាប់ក្រុមអ្នកសារព័ត៌មានថា "អ្វីដែលបានកើតឡើង គឺដោយសារយើងលេងអន់បំផុត។ ការប្រកួតកម្រិតខ្ពស់ ប៉ុន្តែយើងលេងអន់បំផុត"។Zidane យល់ថាក្រុមរបស់លោកដល់ពេលដែលត្រូវសម្រាកខ្លះហើយ។ “លេងត្រឹម៨នាទី យើងរបូត២គ្រាប់។ យើងនៅតែមិនធ្វើអ្វីដើម្បីកែប្រែស្ថានការណ៍។ តង់ដំបូងពិតជាពិបាកខ្លាំង។ យើងមិនដែលលេងរបៀបនេះទេ។ យើងខ្វះអ្វីគ្រប់យ៉ាង ជាពិសេសកម្លាំង"។"ពួកគេស៊ុតបញ្ចូលទី៧គ្រាប់ វាមិនអាចទេ។ កីឡាករយើងក៏ខូចចិត្តដែរ។ គឺមិនមានអ្វីត្រូវនិយាយទៀតទេ។ យើងត្រូវការការលើកទឹកចិត្ត។ គ្មានអ្វីត្រូវសង្ស័យ ខ្ញុំជឿថាពេលចាប់ផ្តើមរដូវកាលយើងនឹងលេងបានយ៉ាងល្អ"។“វាមិនធ្វើឲ្យខ្ញុំព្រួយបារម្ភឡើយ តែវាឈឺខ្លាំង។ នៅពេលដែលចាញ់...យើងមិនចង់លេងឲ្យចាញ់ទេ។ ប៉ុន្តែវាបានចាញ់រួចទៅហើយ យើងក៏មិនអាចត្រលប់ក្រោយបានដែរ។ យើងត្រូវគិតពីអ្វីដែលយើងបានធ្វើ"។Madrid នឹងលេងទល់ Tottenham នៅចុងខែនេះ បន្ទាប់មកត្រូវជួបជាមួយ Red Bull Salzburg នៅថ្ងៃទី៧ សីហា មុនចាប់ផ្តើមរដូវកាលនៅថ្ងៃទី១៧ ខែសីហា៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។