Marca៖ “អស់ពី Bale/Zidane សំឡេងអ្នកគាំទ្រ ៧១ ភាគរយបន្តចង់ឲ្យម្នាក់នេះចាកចេញ”

#កីឡា# #ក្លឹប Atletico Madrid# #សំឡេងអ្នកគាំទ្រ# #បាល់ទាត់អន្តរជាតិ#

អ្នកគាំទ្រក្លឹប Real Madrid ហាក់បាក់ស្បាតជាខ្លាំងបន្ទាប់ពីក្លឹបបរាជ័យនៅលទ្ធផល ៧-៣ ទល់ក្លឹប Atletico Madrid នៅជំនួបកម្តៅសាច់ដុំកាលពីប៉ុន្មានថ្ងៃមុន។ យោងតាមសារព័ត៌មាន Marca បានបង្កើតការស្រង់មតិមួយពីកីឡាករដែលគិតថាបង្ហាញទម្រង់លេងមិនបានល្អក្នុងការប្រកួត។

សំឡេងគាំទ្រ ៧១ ភាគរយបានចុចឈ្មោះ Toni Kroos និងបញ្ឆេះចង់ឲ្យខ្សែបម្រើសញ្ជាតិអាល្លឺម៉ង់ចាកចេញពីក្រុមឲ្យបានឆាប់រហ័សបំផុត។ Kroos ដែលផ្លាស់មកចូលរួមជាមួយ Madrid តាំងពីឆ្នាំ ២០១៤ មួយរយៈចុងក្រោយហាក់មិនសូវបានលេងនិងធ្វើមិនបានល្អឡើយនៅ Bernabeu។

ជាងនេះអ្នកគាំទ្រក៏ចង់ឲ្យ Marcelo ចាកចេញថែមទៀតផង ខណៈដែលផ្លូវថ្មីរបស់គេគឺអាចទៅចូលរួមនៅក្លឹប Juventus។ សម្រាប់ការចាកចេញរបស់ Kroos ប្រសិនអាចសម្រេចទៅបាន នោះអ្នកជំនួសគឺ ១០០ ភាគរយប្រាកដជា Paul Pogba ដែល Zidane សម្លឹងឥតដាក់ភ្នែក៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។