ក្លឹបBarcelona បានធ្វើឱ្យ​កីឡាករលេចធ្លោ២រូបគឺ Antoine Griezmann និង Frenkie de Jong នៅក្នុងទីផ្សារដោះដូរកីឡាករដែលកំពុងបន្តហើយនៅតែស្ថិតក្នុងការប្រជែងដើម្បីបន្ថែម Neymar ទៅក្នុងបញ្ជីរបស់ពួកគេ​។

លើសពីនេះ Barce​កំពុងស្វែករកការចុះហត្ថលេខាលើខ្សែការពារស្លាបឆ្វេង ដើម្បីទុកជំនួសតំណែងរបស់កីឡាករ Jordi Alba ដែលមានវ័យ​៣០​ឆ្នាំ​។

​បើយោងតាមរបាយការណ៍មួយនៅក្នុងប្រទេសអេស្ប៉ាញបានឲ្យដឹងថាកីឡាករវ័យក្មេង Junior Firpo របស់ក្រុម Real Betis គឺជាគោលដៅដ៏សំខាន់មួយរបស់ក្លឹប Barcelona ។

​យ៉ាងណាមិញ បើតាម​របាយការណ៍ Don Balon បានឲ្យដឹងថា កីឡាករ Lionel Messi មិនចង់អោយក្លឹប Barcelona ចុះកុងត្រាយកខ្សែការពារឆ្វេងវ័យ ២២ ឆ្នាំរូបនេះទេ​។ ​កាលពីឆ្នាំ​២០១២ កីឡាកររបស់ក្រុម​Betis រូបនេះ បានសរសេរប្រមាថ Messi មួយនៅលើបណ្តាញអ៊ីនធឺណេត ដោយសរសេរថា«ខ្ញុំសង្ឃឹមថា Messi នឹងទទួលរងរបួស ហើយស្លាប់ និងបញ្ឈប់ការស៊ុតបាល់បញ្ចូលទីតទៅទៀត»​។

តែទោះបីជាយ៉ាងណាមិញ ​គ្រូបង្វឹកលោក Ernesto Valverde នៅតែមានចិត្តក្នុងការនាំយកកីឡាករវ័យក្មេងរូបនេះមកកាន់ក្លឹប បណ្តាលឲ្យ​​មានភាពប្រេះឆារវាងអ្នកចាត់ការទូទៅ និងកីឡាករដ៏សំខាន់បំផុតនៅក្រុមរូបនេះក៏ដោយ​៕