Sakngea
· 2019-10-25
កើតរើមលើស្បែកក្បាល? ចង់ដឹងអំពីវិធីព្យាបាលដែរទេ?
#ព្យាបាល# #ស្បែកក្បាល# #ជំងឺរើម# #សុខភាព# #ជំងឺ#
124
ជំងឺរើម គឺជាការបង្ករោគមួយប្រភេទដែលបង្កឡើងដោយវីរុសតែមួយនឹងវីរុសបង្កជំងឺអ៊ុតស្វាយ។ មនុស្សយើងប្រហែល ៣៣ភាគរយ អាចនឹងកើតជំងឺរើមនេះនៅថ្ងៃណាមួយនៃជិវិត។ ជំងឺរើម ច្រើនកើតមានជាញឹកញាប់បំផុតលើមនុស្សអាយុចាប់ពី ៥០ឆ្នាំ ឡើងទៅ ប៉ុន្តែអ្នកក្មេងជាងនេះក៏អាចប្រឈមមុខបានដែរ។ ជំងឺរើមច្រើនតែកើតឡើងលើតំបន់កណ្តៀតក្អមខាងក្រោយ ឬទ្រូង ប៉ុន្តែវាក៏អាចកើតឡើងគ្រប់កន្លែងដែរដូចជា មុខ ដៃ កំប៉េះគូថ ឬស្បែកក្បាល។ អាការដំបូងនៃជំងឺរើមអាចជាការឈឺចាប់ខ្លាំងដូចជា៖
- ក្រហាយៗ
- ឈឺចាប់ដូចមុន
- ឈឺឈៀបៗ
- ស្ពឹកៗនៅស្បែក
- រមាស់ ឬឈឺធ្ងន់ធ្ងរ
- អស់កម្លាំង
- ក្តៅខ្លួន។
យ៉ាងហោចណាស់ ១ ទៅ ១៤ថ្ងៃ ក្រោយពីចាប់ផ្តើមមានអារម្មណ៍ឈឺចាប់ អ្នកនឹងសម្គាល់ឃើញពងបែកកន្ទួលរមាស់ និងស្បែកទៅជាក្រហម។ នៅពេលជំងឺរើមកើតឡើងលើស្បែកក្បាល ឬក្បាល វាអាចបង្កជាអាការឈឺក្បាល ខ្សោយមុខមួយចំហៀងបើសិនជាកន្ទួលរមាស់កើតឡើងនៅជុំវិញត្រចៀក។ ភាគច្រើនជំងឺរើមភាគច្រើនកើតយូរចាប់ពី ៣ ទៅ ៥សប្តាហ៍ ឯណោះ។
ទោះបីជាយ៉ាងណាក៏ដោយវានៅតែជារឿងដែលល្អបំផុតក្នុងការចាប់ផ្តើមព្យាបាលជំងឺរើមជាមួយនឹងថ្នាំសម្លាប់វីរុសដែលមានវេជ្ជបញ្ជាត្រឹមត្រូវនៅពេលមានអាការរបស់វាកើតឡើងដំបូង។ ពងបែកជំងឺរើមដែលកើតឡើងលើស្បែកក្បាល អាចឈឺខ្លាំងនៅពេលសិតសក់។ ដូច្នេះចូរប្រុងប្រយ័ត្នកុំឲ្យក្រាសសិតសក់ប៉ះនឹងពងបែករបស់ជំងឺរើមបាន។ បើសិនជាស្បែកក្បាលត្រូវបានអេះខ្លាំង ការកើតជាសម្លាកអាចនឹងបង្កជាកន្ទួលរមាស់រហូតដល់ខូចខាតដល់កោសិកាដែលត្រូវការបណ្តុះគល់សក់បាន។
បើសិនជាការបង្ករោគមិនត្រូវបានព្យាបាលត្រឹមត្រូវ និងទាន់ពេលវេលាទេ វាអាចនាំឲ្យមានផលវិបាកជាប់រហូតដូចជាទំពែកក្បាលមួយដុំៗ។ បើសិនជាជំងឺរើមកើតលើភ្នែកម្ខាង ឬទាំងសងខាងមែន វាអាចនឹងនាំឲ្យខ្វាក់បាន។
ដើម្បីព្យាបាលជំងឺរើម គ្រូពេទ្យអាចនឹងណែនាំវិធីព្យាបាលដូចខាងក្រោមនេះ៖
- ថ្នាំសម្លាប់វីរុសដែលចេញដោយគ្រូពេទ្យដូចជា Acyclovir (Zovirax)
- ថ្នាំបំបាត់ការឈឺចាប់
- ករណីខ្លះក៏អាចប្រើថ្នាំ Corticosteroids ដែរ។
វិធីបំបាត់ការឈឺចាប់ផ្សេងៗទៀត៖
- អាចត្រូវការចាក់ថ្នាំស្ពឹកនៅសរសៃប្រសាទដើម្បីបំបាត់ការឈឺចាប់លើករណីខ្លះ
- ថ្នាំលាបប្រភេទស្ពឹក
- ថ្នាំបំបាត់ការឈឺចាប់ដោយមិនបាច់មានវេជ្ជបញ្ជាដូចជា Acetaminophen (Tylenol) ឬ Acetylsalicylic Acid (Aspirin)
វិធីថែរក្សាសុខភាពដោយខ្លួនឯងនៅពេលមានជំងឺរើមលើស្បែកក្បាល៖
- ស្អំទឹកត្រជាក់ ឬកន្សែងត្រជាក់លើកន្លែងកន្ទួលរមាស់
- ចៀសវាងការពាក់មួក និងស្រោមខ្នើយគួរតែមានលក្ខណៈពិសេសសម្រាប់កន្ទួលរមាស់លើស្បែកក្បាល
- ចូរងូតទឹកក្តៅឧណ្ហៗ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
យោបល់ទាំងអស់ (0)