ការុត គឺជាបន្លែដ៏អស្ចារ្យមួយដែលសម្បូរទៅដោយវីតាមីន A និង Beta Carotene ដែលល្អបំផុតសម្រាប់សុខភាពភ្នែក។ ក្រៅពីនេះវាក៏មានវីតាមីន និងជីវជាតិជាច្រើនទៀតផងដែរ។ ថ្ងៃនេះខ្ញុំនឹងបង្ហាញអំពីវិធីព្យាបាលបញ្ហាក្អក និងឡើងស្លេស្មបែបធម្មជាតិមួយពីការុត ហើយសង្ឃឹមថាវានឹងអាចមានប្រយោជន៍ច្រើនបើសិនជាអ្នកមិនចង់ប្រើថ្នាំសង្កូវ។ រូបមន្តនេះអាចប្រើបានទាំងមនុស្សធំ និងកូនក្មេង។

+ គ្រឿងផ្សំ៖

- ការ៉ុត កន្លះគីឡូគ្រាម

- ទឹកឃ្មុំ ៣ ទៅ ៤ស្លាបព្រាបាយ

+ របៀបធ្វើ៖

ចូរកាត់ការុតជាដុំតូចៗ ហើយលាងវាឲ្យស្អាត និងស្ងោឲ្យទន់ល្អ បន្ទាប់មកយកទៅដាក់ក្នុងម៉ាស៊ីនកិន និងលាយទឹកឃ្មុំទាំងអស់ចូលគ្នាទៅ។ ចូរចាំថាមិនត្រូវចោលទឹកការុតដែលស្ងោរនោះឡើយ។ នៅពេលវាត្រជាក់ អ្នកក៏អាចប្រើវាម្តងទៀតដែរ។

អ្នកអាចញ៉ាំទឹកក្រឡុកនេះ ៣ ទៅ ៤ស្លាបព្រាបាយ នៅពេលថ្ងៃរយៈពេល ១ ទៅ ២ថ្ងៃ នោះអ្នកនឹងឃើញលទ្ធផលហើយ៕